پێدانی کارەبا بە هاوڵاتیان بۆ ماوەی هەفتەیەک کەم دەکات

09.10.2019

لڤین:

بەڕێوەبەرایەتی كارەبای سلێمانی ڕایگەیاندوە، بۆ ماوەی هەفتەیەك بڕی ناردی غازی سروشتی و بەرهەمهێنانی كارەبا بە بڕی ٤٥٠ مێگاوات كەم دەكات.

لە ئاگادارینامەیەكدا كە ئاڕاستەی هاوڵاتیانی كردوە بەڕێوەبەرایەتی كارەبای سلێمانی، ئاماژەی بەوەكردوە" هاوڵاتیان و هاوبەشانی كارەبا ئاگاداردەكەینەوە لە بەرواری ( ١١ی ١٠ تا ١٧ ی ١٠ ی ٢٠١٩ ) كۆمپانیای دانا غاز بەسەرپەرشتی وەزارەتی سامانە سروشتیەكان وەكو ئامادەباشیەكە بۆ وەرزی زستان هەڵدەستێت بە چاكسازی لە سیستەمی بەرهەمهێنانی غازی سروشتی لە كێڵگەی كۆڕمۆر، بەمەش بۆ ماوەی هەفتەیەك بڕی ناردی غازی سروشتی و بەرهەمهێنانی كارەبا بە بڕی ( ٤٥٠ ) مێگاوات كەم دەكات".

لە کۆتای ئاگادارینامەکەدا هاتووە" وەزارەتی كارەبا هاوبەشانی دڵنیا دەكاتەوە لەنزیكەوە ئاگاداری بەڕێوەچوونی كارەكانە و تیمەكانی كۆنترۆڵی كارەبا سەرقاڵی خۆئامادەكردنن بۆ ئەوەی لەو ماوەیەدا ئەم پڕۆژەیە كەمترین كاریگەریی لەسەر ماوەكانی پێدانی كارەبا هەبێت".

556 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations