لەبارەی پەنابەرانەوە ئەڵمانیا چاو بە بریارێكی خۆیدا دەخشێنێتەوە

07.10.2019

لڤین:

وەزیری ناوخۆی ئەڵمانیا ڕایگەیاندوە، ئەگەر ژمارەی كۆچبەران و داوانامەی مافی پەنابەران بۆ هەزاران زیادبكات، ئەوا ئەڵمانیا لەرێكەوتنی دابەشکردنی كۆچبەرانی رزگاربووی دەریای ناوەڕاست پاشگەز دەبێتەوە.

ستیڤ ئاڵتەر وتەبێژێكی وەزارەتی ناوخۆی ئەڵمانیا رایگەیاندووە" هەرچەندە ئەڵمانیا پێشەنگ بوو لەدامەزراندنی میكانیزمی ئۆتۆماتیكی بۆ دابەشكردنی كۆچبەرانی رزگاربووی دەریای ناوەڕاست، بەڵام بەنیازە لەكۆبونەوەكەی 8ی ئۆكتۆبەردا چاو بە بڕیارەكەیدا بخشێنێتەوە".

هۆرست سیهۆڤەر وەزیری ناوخۆی ئەڵمانیا لەمبارەیەوە ئاشکرای کردوە" سەبارەت بەم میكانیزمە، ئەڵمانیا هەندێك گومانی لەلادروستبووە سەبارەت بە رێبەرانی نایاسای (قاچاخچی)، ناوبراو لەدرێژەی قسەكانیدا دەڵێت "ئەگەر ژمارەی كۆچبەران و داوانامەی مافی پەنابەران بۆ هەزاران زیادبكات، ئەوا ئەڵمانیا لەرێكەوتنەكەی پاشگەز دەبێتەوە، چونكە پێی وایە بڕیارەكەی ئەڵمانیا سەبارەت بە كۆچبەران، لە بەرژەوەندی رێبەرانی نایاسایی دەبێت و ژمارەیان زیاد دەكات.

ستیڤ ئاڵتەر ئاماژەی بەوەشداوە" وەزیرانی ناوخۆی وڵاتانی ئەوروپا ( ٨ ی ئۆكتۆبەر ) كۆدەبنەوە بەمەبەستی دۆزینەوەی رێگە چارەیەكی گونجاوترو لەمبارەیەوە ئەڵمانیا چاو بەبڕیارەكەیدا دەخشێنێتەوە".

955 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations