هەفتەیەك پشووی فەرمی ڕاگەیەنرا

05.10.2019

لڤین:

وتەبێژی وەزارەتی ئەوقاف و كاروباری ئایینی هەرێم ڕایگەیاندوە، بەپێی یاسای پەرلەمانی كوردستان، كوردانی ئێزدی لە یادی ( جەژنا جەما ) مافی پشوویان هەیە.

بەپێی یاسای پشووەكانی پەڕلەمانی كوردستان و خشتەی پشووەكانی حكومەتی هەرێم لە ( ٦ )ی ئەم مانگەوە بۆ ماوەی هەفتەیەك بۆ فەرمانبەرانی ئێزدی لە دامەزراوەكانی هەرێم پشووی فەرمی دەبێت.

ئەمڕۆ ( شەممە، ٥ی تشرینی یەکەمی ٢٠١٩ ) نەبەز ئیسماعیل، وتەبێژی وەزارەتی ئەوقاف و كاروباری ئایینی هەرێم بە میدیاکانی ڕایگەیاندوە" بەپێی یاسای پەرلەمانی كوردستان، كوردانی ئێزدی لە یادی ( جەژنا جەما ) مافی پشوویان هەیە".

سەبارەت بە یەک هەفتە پشوو بۆ یەزیدیەکان لە چەژنی جەما، خەیری بۆزانی، بەڕێوەبەری گشتی كاروباری كوردانی ئێزدی لە وەزارەتی ئەوقاف ڕایگەیاندوە" لە ڕۆژی (  ٦ / ١٠ / ٢٠١٩ ) وە بۆ ماوەی هەفتەیەك بە بۆنەی ( جەژنا جەما ) وە هەفتەیەك بۆ فەرمانبەرانی ئێزدی دەبێتە پشووی فەرمی".

بەڕێوەبەری گشتی كاروباری كوردانی ئێزدی لە وەزارەتی ئەوقاف ئاشکرای کردوە" كە ڕۆژی ( ١٣ / ١٠ / ٢٠١٩ ) پشووەكە كۆتایی دێت و دەوام ئاسایی دەبێتەوە".

لای خۆشیەوە، مەسرور بارزانی، سەرۆكی حكومەتی هەرێمی كوردستان بەبۆنەی جەژنی ( جەمایێ ) لە پەیامێكدا ئاماژەی بەوەكرد" گەرمترین پیرۆزبایی ئاراستە خوشك و برایانی كوردی ئێزیدی لە كوردستان و جیهان دەكەم. هیوادارم لە كەشێكی ئارام و پڕ لە خۆشیدا ئەم جەژنە بكەنەوە".

10898 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations