یەکێتی دوا دەرفەت دەداتە بارزانی

20.09.2019

لڤین:
یەکێتی نیشتمانی کوردستان دوا دەرفەت دەداتە بارزانی و تا کاتژمێر ٦:٠٠ی ئێوارە ی ئەمڕۆ چاوەڕوانی وەڵامی نامەکەی کۆسرەت ڕەسوڵ دەکات کە لەسەر رووداوی رێگریکردن لە مەحمود سەنگاوی بۆ چوونە شاری هەولێر بۆ مەسعود بارزانی ناردوە.

بە پێی زانیارییەکانی (لڤین پرێس)، هەرچەندە وابڕیاربوو ئەمڕۆ هەینی کاتژمێر ١١:٠٠مەکتەب سیاسی  یەکێتی لەشاری سلێمانی کۆببێتەوە، بەڵام بەهۆی ئەوەی چاوەڕوانی وەڵامی نامەکەی کۆسرەت رەسوڵ دەکەن کە ئاراستەی مەسعود بارزانی کردوە سەبارەت بە رێگریکردن لە چووونی مەحمود سەنگاوی بۆ شاری هەولێر  کۆبوونەوەکە بۆ کاتژمێر ٦:٠٠ی ئەم ئێوارەیە دواخراوە.

هەر بەپێی زانیارییەکان، لەئەگەری وەڵامنەدانەوەی نامەکەی کۆسرەت رەسوڵدا یەکێتی هۆشداری داوەتە پارتی و ئاماژەی بەوەکردوە هەر ڕوداوێک ڕوبدات لەئەستۆی بارزانیدایە، بۆ ئەو مەبەستەش کۆبونەوەی مەکتەبی سیاسی یەکێتی دواخراوە.

17567 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations