ڕۆژنامەی سەباح دانپیانانی مەترسیدارترین ژنی داعشی بڵاو کردوەتەوە

18.09.2019

لڤین:

ڕۆژنامەی سەباح لە ڕاپۆرتێکدا ڕایگەیاندوە، مەترسیداترین ژنی داعش لەئێستادا دەستگیركراوە، دانی بەوەدا نا، لەساڵی ٢٠١٦ دا ویستویەتی سێ هێرشی كیمیایی بكاتەسەر شاری بەغدا و خۆیشی یەكێكیان ئەنجام بدات.

لە ڕاپۆرتێکدا رۆژنامەی " سەباح " ی نیمچەفەرمی دانپێدانانەكانی ( ئەبرار كوبەیسی ) بڵاوكردوەتەوە و تێیدا هاتوە" ساڵی ( ٢٠١٦ ) بڕوای تەواوی بۆ دروستبو، كە سێ هێرشی كیمیایی بكاتە سەر شاری بەغدا و ویستویەتی خۆی یەكێك لەهێرشەكان بۆسەر هێزە ئەمنیەكان یان هاووڵاتیان ئەنجام بدات، بۆ ئەوەش سێ بڕە مادەی كیمیایی براونەتە شاری بەغداو و یەكێكیانی لە قتویەكدا ئامادەكردوە بۆئەوەی لەناوچەیەكی دیاریكراودا بتەقێنێتەوە، كە خەڵكی زۆری تێدابێت". 

لە بەشێکی تری ڕاپۆرتەکەدا ئاماژە بەوە دراوە" شانەی هەڵۆكان لەوكاتەدا شەڕێكی هەواڵگری زۆر زیرەكیان كردوەو دزەیانكردوەتە ناو ماڵی ئەبرار و دوو كەسەكەی دیكە و قتوەكانیان گۆڕیوە بە چەند قتویەكی دیكە، كە هەمان شێوەو رەنگ بون، بەڵام ساختەبون، بۆئەوەی ئەو ئەندامانەی داعش هەوڵی تەقاندنەوەو بەكارهێنانی بدەن، ئەبرار و ئەو كەسانەش كارەكەیان ئەنجامداوەو قتوە ساخەتەكانیان لەو ناوچانەی دیاریان كردبوو بۆ تەقینەوە، داناوە". 

رۆژنامەکە ئاشکرای کردوە" دواتر لەهەڵمەتێكدا ئەو ئەندامانەی داعش بە ئەبراریشەوە دەستگیركران، هۆكاری دواخستنی بڵاوكردنەوەی ئەم زانیاریانەش بۆ ئەوەبوە، كە پرۆسەیەكی گەورەی هەواڵگری و راوەدونانی چەكدارانی داعش هەبوە و تێیدا بە هاوئاهەنگی لەگەڵ هاوپەیمانان سەرجەم ئەو چەكدارانەی داعش كە ئەبرار راهێنانی پێكردون بۆ بەكارهێنانی مادەی كیمیایی، لەپرۆسەیەكدا لەشاری رەققە كوژراون".

 

1520 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations