یونسكۆ: 12 ملیۆن منداڵ بێبەشبوون لە مافی خوێندنی سەرەتایی

14.09.2019

لڤین: 
رێكخراوی یونسكۆی سەر بە نەتەوەیەكگرتووەكان ئاشكرای دەكات لە ساڵی 2018دا لە شەش بەش بەشێكی منداڵانی جیهان لە خوێندن بێبەشن و هۆشداری دەدات لەو بارەیەوە. 

رێكخراوی نەتەوەیەكگرتووەكان بۆ پەروەردە و فێركردن ناسراو بە  (یونێسكۆ) رایگەیاند: بەرەوپێشچوون لەبواری خوێندن لە ماوەی زیاتر لە دەیەیەك زۆر كەمە، ئەگەر نەوترێ هەر نییە.

ئەو رێكخراوە رونیشیكردەوە، 12 ملیۆن منداڵ لە جیهاندا رووبەڕووی مەترسی بێبەشبوون لە مافی خوێندنی سەرەتایی بوونەتەوە. رێكخراوەكە هۆشداری داوە لەوەی كە "لە گرتنەبەری رێوشوێنی بەپەلە كە رەنگە ببێتە هۆی بێبەشبوونی نزیكەی 12 ملیۆن منداڵ لە مافی خوێندنی سەرەتایی".

یونسكۆ ئاشكرای دەاكت كە لە ساڵی 2018، نزیكەی 258 ملیۆن منداڵ و هەرزەكار و گەنج لە مافی خۆیان بۆ پەیوەندیكردن بە قوتابخانەوە بێبەش بوون، ئەو ژمارەیەش شەش لەسەر یەكی ژمارەی منداڵانە لە تەمەنی یاسایی پەیوەندیكردن بە خوێندنی سەرەتاییەوە لەسەر ئاستی جیهان، واتا تەمەنی (6 تا 17 ساڵی).

123 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations