وەزارەتی پەروەردە بەڵێننامە بە مامۆستایان پڕدەكاتەوە

12.09.2019

لڤین:

بەڕێوەبەری پەیوەندییە گشتییەكان لە وەزارەتی پەروەردە ڕایگەیاندوە، بۆ رێگرتن لە وتنەوەی وانەی تایبەت، بەڕێوەبەرایەتییە گشتییەكانیان راسپاردووە بۆئەوەی لەڕێی پركردنەوەی بەڵێننامە بە مامۆستایان بەدواداچوون بكەن بۆ نەهێشتنی ئەو دیاردە.

ئەمڕۆ ( پێنچ شەممە، ١٢ی ئەیلوولی ٢٠١٩)، میدیا عێراقیەکان ئاشکرایان کرد، لە راگەیەندراوێكدا فیراس محەمەد حەسەن بەڕێوەبەری پەیوەندییە گشتییەكان و راگەیاندن لە وەزارەتی پەروەردەی عیراق، ڕایگەیاندوە" بەڕێوەبەرایەتی گشتی سەرپەرشتیاری پەروەردەیی لە وەزارەت، بەڕێوەبەرایەتییە گشتییەكانی بەغدا و سەرجەم پارێزگاكانی راسپاردووە كە هانی سەرپەرشتیارەكان بدەن بەدواداچوون بۆ بەڕێوەبەرێتی قوتابخانەكان بكەن و جەختیان لێبكەنەوە كە بەڵێننامە لە مامۆستایان وەربگرن كە وانەی تایبەتی نەڵێنەوە".

بەڕێوەبەری پەیوەندییە گشتییەكان ئاشکرای کردوە" پێویستە مامۆستایان هەوڵی تەواوی خۆیان بدەن بۆ ئەوەی بابەتەكان بگەیەننە قوتابیان و خوێندكاران و هەر مامۆستایەك بەپێی پسپۆڕی خۆی هۆكاری فێركردنی پێویست بەكاربهێنێت وئەم رێوشوێنەیان لە چوارچێوەی ئامادەكارییەكانی وەزارەتە بۆ ساڵی نوێی خوێندنی ( ٢٠١٩ - ٢٠٢٠ ) .

لە بەشیکی تری ڕاگەیەندراوەکەدا هاتوە" دیاردەی وانەوتنەوەی تایبەت لە دیاردە خراپەكانە كە لە ماوەكانی دواییدا بەشێوەیەكی بەرچاو دەركەوتووە."

وەزارەتی پەروەردەی عیراق ڕایگەیاندوە كە مامۆستایان و دەستەی قوتابخانەكان لەمڕۆ پێنجشەممە ( ١٢ )ی ئەیلولەوە دەستیان بەكار كردووەتەوە.

2118 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations