حەوت كۆگا و ماركێت داخران

11.09.2019

لڤین:

لیژنەی پشكنین و چاودێریی بازاڕ لە سنووری بەڕێوەبەرایەتیی شارەوانیی شەش لە هەولێر ئاشکرای کردوە پشكنین و بەدواداچوونیان بۆ ۸ كۆگا و ماركێت ئەنجام دا، لەوانە ٧ کۆگا و مارکێتێک داخراوە.

لە ڕاگەیەندراوێکدا قایمقامیەتی هەولێر ، ڕایگەیاندوە" لیژنەی پشكنین و چاودێریی بازاڕ لە سنووری بەڕێوەبەرایەتیی شارەوانیی شەش، پشكنین و بەدواداچوونیان بۆ ٨ كۆگا و ماركێت ئەنجام دا".
لە بەشێکی تری ڕاگەیەندراوەکەدا هاتوە" بە هۆی پابەندنەبوون بە مەرج و ڕێنماییەكان، لەوانە دانانی ئاوی خواردنەوە و خواردنەوە گازییەكان لە دەرەوەی شوێنەكانیان و لە ژێر كاریگەریی پلەكانی گەرما، حەوت كۆگا و ماركێت داخران".

سەبارەت بە سزاکان هاتوە" هەر شوێنێك پابەند نەبێ بە مەرج و ڕێنماییەكان، ڕێكاری یاسایی بەرامبەر خاوەنەكانیان دەگیرێتە بەر، كە بریتییە لە داخستنی شوێنەكانیان و سزای پێبژاردن كە لە ملیۆنێك دینار دەست پێدەكات تا پێنج ملیۆن، ئەوەش بە پێی ڕێنماییەكانی وەزارەتی دارایی و ئابوورییە كە ئاراستەی قایمقامیەتی هەولێر كراوە".

لە کۆتای ڕاگەیەندراوەکەدا هاتوە" هەروەها هاووڵاتیان ئاگادار دەكەینەوە، بەدواداچوون بۆ هەموو ئەو سكاڵایانە دەكرێ، كە ڕۆژانە ئاراستەی لیژنەكانی قایمقامیەت دەكرێن".

 

 

 

 

431 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations