هاوڵاتیەک لە لایەن هاوڕێكەیەوە كوژرا

11.09.2019

لڤین:

وتەبێژی بەڕێوەبەرایەتی پۆلیسی پارێزگای هەڵەبجە ڕایگەیاند، سەرلەبەیانی ئەمرۆ دوو کارمەندی پاککەرەوە بووە بەشەڕیان و یەکێکیان بە چەقۆ هاوڕێکەی خۆی کوشتووە.

ئەمڕۆ ( چوار شەممە، ١١ی ئەیلوولی ٢٠١٩ )، لە ڕاگەیەندراوێکدا کە وێنەیەکی دەست ( لڤین ) کەوتووە، بەرزان عوسمان، وتەبێژی پۆلیسی هەڵەبجە ڕایگەیاندوە"  کاتژمێر ( ١١:٢٠ ) خولەکی پێش نیوەڕۆی لە ناو بازاڕی پارێزگای هەڵەبجە نزیک مزگەوتی ( دارالاحسان ) دوو كارمەندی كۆمپانیای ( گ ) دەبێتە شەڕیان یەکێکیان بە سەختی بریندار دەبێت، بەهۆی بەرکەوتنی دوو چەقۆ پاش گەیاندنی بۆ نەخۆشخانەی فریاکەوتنی هەڵەبجە لەبەر سەختی برینەکەی گیان لەدەست دەدات".

لە بەشێکی تری ڕاگەیەندراوەکەدا هاتووە" کوژراوەکە ناوی ( هـ . ح س ) تەمەنی ٣٢ ساڵە و دانیشتووی هەڵەبجە، هاوکات بکوژەکەیش ناوی ( ش . ع . ع ) تەمەنی ٢٣ ساڵە و دانیشتووی هەڵەبجەیە".

لە کۆتای ڕاگەیەندراوەکەدا هاتووە" بە بڕیاری بەڕێز دادوەری لێکۆڵینەوەی هەڵەبجە بە پێی مادەی یاسایی ( ٤٠٦ ی س ) بەندکراوە".

 

 

533 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations