لە سەردانەکەیدا بۆ ئەمریکا میری‌ كوه‌یت باری تەندروستی تێکچو و گەیەنرایە نەخۆشخانە

09.09.2019

لڤین:

وه‌زیری دیوانی میری كوه‌یت ڕایگەیاندوە، شێخ سەباح ئەحمەد جابر ئەلسوباح، میری کوەیت پێش ئەوەی دۆناڵد ترەمپ، سەرۆکی ئەمریکا ببینێت و کۆببێتەوە لەگەڵی، باری تەندروستی تێکچو و گەیەنرایە نەخۆشخانە.

لە لێدوانێکیدا، عه‌لی جه‌راح ئه‌لسوباح، وه‌زیری دیوانی میری كوه‌یت، بە میدیاکانی وڵاتەکەی ڕاگەیاندوە" شەوی ڕابردوو، شێخ سه‌باح ئه‌حمه‌د جابر ئه‌لسوباح، میری كوه‌یت له‌میانی سه‌ردانه‌كه‌یدا بۆ ئه‌مریكا باری ته‌ندروستی تێكچو‌ و بەپه‌له‌ گه‌یه‌ندرایە  نه‌خۆشخانه‌یه‌كی ئه‌و وڵاته‌ به‌مه‌به‌ستی‌ ئه‌نجامدانی‌ پشكنینی‌ پزیشكی‌".

وەزیرەکە ئاسکرای کردوە" تێکچوونی باری تەندروستی میری کوەیت لەکاتێکدا بوو بڕیار بوو لەگەڵ دۆناڵد ترەمپ، سەرۆکی ئەمریکا کۆببێتەوە، بەڵام بەهۆی تێکچوونی باری تەندروستییەوە وادەی کۆبوونەوەکە دواخرا".

سەبارەت بەم ڕووداوە، لە راگەیەندراوێکی نووسینگەی رۆژنامەوانی کۆشکی سپی، ئاماژە بەوە کراوە" سەرۆک تڕەمپ، بەو رووداوە زۆر دڵگران بووە و هیوای زوو چاک بوونەوەی بۆ خواستووە و بەو نیازەی لەنزیکترین کاتدا چاوی بە میری کوەیت، بکەوێت".

617 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations