مەسرور بەرزانی کۆبونەوە دەکات لە پێناوی چی، دیسان کۆبونەوە

07.09.2019

لڤین:

مەسرور بەرزانی وادەزانێت پەرلەمانی عیراقیش پەرلەمانی کوردستانە؟ چونکە بە تەلەفونێک دەستی سەرۆکایەتی بردە هۆڵی کۆبونەوەی ئەنجومەنی وەزیران کە ئەمە یەکێکە لە حەوت سەرسوڕهێنەرەکەی دونیا پەرلەمان بڕوات بۆ لای ئەنجومەنی وەزیران !!
سەرۆکایەتی ئەنجومەنی وەزیرانی هەرێمی کوردستان بانگهێشتی جێگری ئەنجومەنی نوێنەرانی عیراق و نوێنەری فڕاکسیونەکوردیەکان و ئەندامانی لێژنەی دارایی کردوە بۆ کۆبونەوە بۆ رۆژی یەکشەمە ،بەندە وەک خۆم چەند سەرنجێکم هەیە لەسەر بانگهێشتەکە بە خاڵ ڕوونی دەکەمەوە:
١ .جۆری بانگهیشتەکە هیچ عورفێکی تیدا نیە ، چونکە کارنامەی کۆبوونەوەکە حکومەتی هەڕێم دایڕشتوە و هیچ پرسێک بە ئەندامان و فڕاکسیونە کوردیەکان نەکراوە، ئەمەیش نابێت چونکە حساب نەکردنە بۆ ئەندامانی پەرلەمانی عیراقە.
٢ . جێگری پەرلەمانی عیراق کە لە پارتیە، پێم وایە مەسرور بەرزانی وەک سکرتێری حکومەتی هەرێم حسابی بۆ کردوە چونکە هیچ کەسێکی ئاگادار نەکردۆتەوە لە دانانی ئەجێندای کۆبونەوەکە کە پەیوەستە بە ژیانی هاوڵاتیانی هەڕێمی کوردستان و موچە و بودجەی هەڕێمی کوردستان.

٣ . یەکێک لە کێشە گەورەکانی نێوان هەڕێم و بەغداد مەسەلەی نەوت و تەسلیم کردنی نەوتە، وەک دیارە نەوت بوە بە بەڵا بۆ هاوڵاتیانی هەرێم و بوە بەخێر و بەرەکەت بۆ کۆمپانیاکانی حزب و بنەماڵە، بەڵام لە بانگێشتەکەدا بە هیچ شێوەیەک باس لە لیژنەی نەوت و وزە نەکراوە ئەوەیش بە پلانی پارتی و بە تایبەت مەسروور بەرزانی کراوە، چونکە گەر ئەندامانی لیژنەی نەوت لەوێ بن بە راشکاوی باسی نەمانی داهاتی نەوت دەکەن بە داتای تەواو هەروەها لە سەر غازی هەرێم قسەی جدی دەکەن، ئەمەش دەبێتە بێزاری بۆ مەسروور و ستافەکەی و ناتوانن بە ئاسانی خۆڵ بکەنە چاوی خەڵک و داتای نادروست بڵێن و جارێکی تر هاوڵاتیان و فەرمانبەرەکانمان لە هەڕێمی کوردستان بێ موچە و بودجە بکەن لە پێناوی تەسلیم نەکردنی نەوت بۆ دەوڵەمەند کردنی خۆیان و برسی کردنی خەڵکی هەڕێمی کوردستان.
کەواتە جاڕێکی تر حکومەتی هەڕێم دەیەوێت نەوت تەسلیم نەکات و بودجەی هەڕێم بڕا ئەوە ئەندام پەرلەمانەکانی عیراق پشتیوانی حکومەتی هەڕێم بکەن و سەبوری خەڵکی هەرێم بدەن، بەڵام دەبێت ئەو خەیاڵە لەمێشکی خۆیان دەرکەن ئێمە لە ئاستی بە تاڵان بردنی نەوتی هەرێم و بڕینی موچەی فەرمانبەرانی هەڕێم بەهۆی فڕۆشتنی نەوت لە قازانجی خۆتان بێ دەنگ بین و راستیەکان باس نەکەین و هەڵوێستمان نە بێت .
باشترە فراکسیونە کوردیەکان جگە لە پارتی بەروون و ئاشکارا ئەجێندای کۆبونەوەکە دانێن و داوابکەن کۆبونەوەکە لە پێناوی کۆبونەوە نەبێت، بەڵکو کۆبونەوەیەکی راست گۆیانەبێت بۆ چارە سەرکردنی کێشەکان و بۆ گەرانەوەی موچە و بودجەی هاوڵاتیانی هەرێم بێت نەک وەک کۆبونەوەکانی تر بێت کە لە دوای کۆبونەوەکان پێچەوانەی کۆبونەوەکە بریاری دەدا حکومەتی هەرێم، گەر وا بێت ئەوە نەچونی فراکسیونەکان باشترە لە چونیان بە لاوازی .

غالب محمد علی
ئەندامی پەرلەمانی عێراق

789 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations