ئێران هەوڵدەدات پابەندبوونەكانی بە ڕێككەوتننامە ئەتۆمییەكە کەم بکاتەوە

06.09.2019

لڤین:

وتەبێژی وەزارەتی دەرەوەی ئێرانەوە ڕایگەیاندوە، تاران هەنگاوێكی نوێی ناوە بۆكەمكردنەوەی  پابەندبوونەكانی بە ڕێككەوتننامە ئەتۆمییەكە.

ئاژانسی هەواڵی ئیسنای ئێران لە زاری عەباس موسەوی وتەبێژی وەزارەتی دەرەوەی ئێرانەوە ڕایگەیاند" تاران هەنگاوێكی نوێی ناوە بۆكەمكردنەوەی  پابەندبوونەكانی بە ڕێككەوتننامە ئەتۆمییەكە".

وتەبێژی وەزارەتی دەرەوەی ئێران ئاشکرای کردوە" محەمەد جەواد زەریف وەزیری دەرەوەی ئێران لە نامەیەكدا فیدریكا مۆگرینیی بەرپرسی سیاسەتی دەرەوەی ئاگادار كردوەتەوە، كە تاران چالاكییەكانی لە بواری توێژینەوەو پەرەپێدانی ئەتۆمی دەستپێكردوەتەوە".

وتەکانی وتەبێژی وەزارەتی دەرەوەی ئێران لە كاتێكدایە، ڕۆژی چوارشەممەی ڕابردوو حەسەن ڕۆحانی سەرۆك كۆماری ئێران ڕایگەیاند" لە ڕۆژی هەینەوە هەنگاوی سێیەم، بەئاراستەی كەمكردنەوەی پابەندبوونەكانیان بە ڕێككەوتننامە ئەتۆمییەكە و زیادكردنی چالاكییە ئەتۆمییەكانیان دەنێن".

183 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations