مەلا بەختیار سەرنوسەری سایتی لڤین پرێس دەداتە دادگا

مەلا بەختیار
05.09.2019

لڤین:

مەلا بەختیار کارگێری مەکتەبی سیاسی یەکێتی نیشتیمانی کوردستان، محەمەد هەورامی سەرنوسەری سایتی لڤین پرێس و ئەندامی دەستەی نوسەرانی گۆڤاری لڤین دەداتە دادگا و داوای سزادانی دەکات.

دوا بەدوای بڵاو بونەوەی ڕاپۆرتێکی ڤیدیۆی لەسەر مەلا بەختیار کارگێری مەکتەبی سیاسی یەکێتی نیشتیمانی کوردستان لە سەر پەیجی لڤین لە تۆڕی کۆمەڵایەتی فەیس بووک، مەلا بەختیار لە ڕێگەی پارێزەرەکەیەوە سکاڵا لە دژی محەمەد هەورامی سەرنوسەری سایتی لڤین تۆمار دەکات و داوای سزادان و قەرەبوکردنەوە دەکات.

جێی ئاماژەیە لەڕێگەی کەسێکەوە بەناوی (مەریوان عەلی) کە خۆی وەک ئەندامێکی نوسینگەی مەلا بەختیار ناساندووە هەرەشەی ڕفاندن لە محەمەد هەورامی کراوە لە ڕێگەی پەیوەندی تەلەفونییەوە لە ئەگەری ئەوەی ئەو ڕاپۆرتە لەسەر تۆڕی کۆمەڵایەتی لڤین لا نەبەن.

لەو بارەیەوە ئەحمەد میرە، سەرنوسەری لڤین بە سایتی (لڤین پرێس)ی راگەیاندووە"لە چەندین کەسی نادیارەوە هۆشداری و هەڕەشەکانمان پێ گەشتوەو داوای سڕینەوەی ئەو ڕاپۆرتە دەکەن".

ئەوەیشی وت"پارێزگاری گیانی کارمەندانی لڤین لە ئەستۆی حکومەت و یەکێتی نیشتیمانی و دەزگا ئەمنییەکاندایە لە سلێمانی".

 

7211 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations