تاتڵیسێس پڕۆژەیەكی گەشتیاری لە باكوری كوردستان جێبەجێ دەكات

27.08.2019

لڤین: 
ئیبراهیم تاتڵیسێس، هونەرمەندی دەنگبێژی توركیا رایگەیاند لە شاری ئورفا كە شوێنێ لە دایك بونیەتی چەند پڕۆژەیەكی گەشتیاری ئەنجام دەدات و ئەو ئەشكەوتەی تیایدا لە دایك بووە دەیكاتە مۆزەخانە. 

ئیبراهیم تاتڵیسێس، هونەرمەندی دەنگبێژی توركیا، لەگەڵ هەریەك لە زەینەل عابیدین بەیازگول، سەرۆكی گەورە شارەوانیی ئورفا، مەهمەت جانپۆڵات، سەرۆكی شارەوانیی خەلیلییە و مەهمەت كوش، سەرۆكی شارەوانیی ئەیوبییە، كۆبویەوە و كۆنگرەیەكی رۆژنامەوانیی هاوبەشیان سازدا.

ئەو هونەرمەندە رایگەیاند: دەمەوێت مرۆڤەكان ئەو ئەشكەوتە ببینن كە تیایدا لەدایكبووم و گەورەبووم، چونكە نایزانن. كاتێك بەفر و باران دەباری، دایكم بەڕەكەی ژێرمانی دەدا بە دەرگاكەدا. بۆچی؟ تا ئاو و بەفر و سەرما نەیەتەژوورەوە. منداڵی خێزانێكی هەژاربووم. شانازی دەكەم كە لە ئەشكەوتدا لەدایكبووم.

ناوبراو وتیشی: دواتر رۆیشتین رووداوێك هات و ئێمەی دۆزییەوە با ئەوەش ببێت ئێستا سێ كەشتیم هەیە. سێ ڤێلا و دوو فڕۆكەم هەیە".

تاتڵیسێس ئاماژەی بەوەدا كە لە ئورفا میوانخانەیەكی گەورە دروستدەكات و سەرۆكی شارەوانیش رایگەیاند كە ئەو شوێنەی ئەو هونەرمەندەی تیادا لە دایك بوە ئەشكەوتێكە. ئێستاش ئەو ئەشكەوتە دەكەینە مۆزەخانە. دەمانەوێت مرۆڤەكان ببینن كەسێكی هێندە بەناوبانگ لەكوێ لەدایكبووە. هیچ كەس باوەڕی نەدەكرد كەسێك بەو ژیانە راقییەوە لە ئەشكەوتدا لەدایكبووە. 

1091 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations