مامۆستایەكی ئاینی دەستدرێژی سێكسی دەكاتە سەر كچێكی 11 ساڵان

26.08.2019

لڤین: 
مامۆستایەكی ئاینی چەند ڕۆژ پێش لە یەكێك لە گوندەكانی سونقوڕ و كولیایی دەستدرێژی كردبووە سەر كچێكی تەمەن 11  ساڵ، دەستبەسەر كرا مندالەكە ساڵی ررابردوو باوكی كۆچی دوایی كردووە. 

 رێكخراوی هەنگاو بۆ مافەكانی مرۆڤ، رایگەیاند: لە ماوەی ڕۆژانی ڕابردوودا پێشنوێژی گوندی هەزار خانی خواروو سەر بە شاری سونقوڕ لە پارێزگای كرماشان، مەلایەكی ئاینی لە مەزهەبی شیعە دەستدرێژی كردووەتە سەر كچێكی تەمەن یازدە ساڵی هەتیو بە ناوی “ك . ف” و دوای ئەوەی كە كچەكە ئەو باسەی بۆ دایكی گێڕاوەتەوە، مامۆستا ئاینیەكە بە ناوی ”عەلی فەدایی“ هەڵهاتووە.

رێكخراوەكە لە زاری سەرچاوەیەكەوە ئاشكرای دەكات، خەڵكی گوندی هەزارخانی خواروو دوای ئەوەی ئاگاداری ئەو بابەتە بوون، هەڵیان كوتاوەتە سەر ماڵی مامۆستا ئاینیەكە و ماڵەكەیان ڕووخاندووە.

باوكی ئەو كچە تەمەن 11 ساڵانەی كە دەستدرێژی كراوەتە سەر ساڵی ڕابردوو لە ڕووداوێكی هاتووچۆدا گیانی لە دەستداوە، دوای ئاشكرابونی رووداوەكە عەلی فەدایی، مامۆستا ئاینی شیعە لەلایەن هێزە ئەمنیەكانەوە دەستبەسەر  كرا و ڕادەستی دادگای تایبەتی ڕووحانیەت لە هەمەدان كراوە.

رێكخراوی هەنگاو دەشڵێت، ناوەندە ئەمنییەكان و قایمقامی سونقوڕ ویستوویانە لەبەرانبەر پارە دایكی ئەو كچە ڕازی بكەن كە سكاڵا نەكات و بابەتەكە بڵاو نەكرێتەوە، بەڵام ناوبراو ڕازی نەبووە.

6410 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations