بازرگانێكی مادە هۆشبەرەکان دەستگیر كرا

23.08.2019

لڤین:

بەڕێوەبەرایەتیی پۆلیسی پارێزگای كەركووك ئاشکرای کرد، فەوجی مغاویر لە لیوای ( ٦١ )، پاش دانانی بۆسەیەك، توانیان بازرگانێكی مادەی هۆشبەر بە بڕێك مادەی هۆشبەرەوە لە كەركووك دەستگیر بكەن.

لە ڕاگەیەندراوێكدا، بەڕێوەبەرایەتیی پۆلیسی پارێزگای كەركووك، ڕایگەیاندوە" بە پشتبەستن بە زانیاریی هەواڵگری، فەوجی مغاویر لە لیوای ( ٦١ ) و بە سەرپەرشتی بەڕێوەبەری پۆلیسی پارێزگای كەركووك، هێزێكی بەشی بەرەنگاربوونەوەی مادە هۆشبەرەكان لە كەركووك پاش دانانی بۆسەیەك، توانیان بازرگانێكی مادەی هۆشبەر لە كەركووك دەستگیر بكەن".

هەروەها بەپێی ڕاگەیەندراوەكەی پۆلیسی کەرکوک" لەكاتی دەستگیركردنی بازرگانەكەدا دەست گیراوە بەسەر نزیكەی ( ٢٠٠ ) گرام مادەی هۆشبەر لە جۆری ( كریستاڵ ) لەگەڵ چەند كەرەستەیەكی بەكارهێنانی مادەی هۆشبەردا".

لە کۆتای ڕاگەیەندراوەکەدا، بەڕێوەبەرایەتیی پۆلیسی پارێزگای كەركووك، ئاشکرای کردوە"دەستگیركراوەكە بەپێی مادەی ( ٢٨ )لە یاسای بەرەنگاربوونەوەی مادە هۆشبەرەكان ڕاگیراوە".

415 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations