میسیە ژاپۆنیەكە لە ریاڵ مەدرید رۆشت

22.08.2019

لڤین: 
میسیەكەی ژاپۆن هەرچەندە لەمساڵدا چووە یانەی ریاڵ مەدرید بەڵام پێش ئەوەی یاری فەرمی بۆ بكات ریزەكانی یانەكەی بەجێهێشت. 

تاکی فوسا كوبۆ، یاریزانی لاوی ژاپۆنی، ناسراو بە میسی ژاپۆن، بە فەرمی و بەشێوەیەكی كاتی ریزەكانی یانەی ریال مەدریدی بەجێهێشت و رووی لە یانەی مایۆركا كرد. 

ئەو ئەستێرە ژاپۆنیە كە تەمەنی 18 ساڵە بەشێوەی خواستن درایە یانەی مایۆركا، بڕیارە لە وەرزی داهاتووی لالیگا بگەڕێتەوە ریزەكانی مەدرید. 

دوور كەوتنەوەی ئەو یاریزانە بۆ بونی یاریزانی زۆری بێگانەی نا ئەوروپیە لە ریزەكانی یانەی ریاڵ مەدرید كە خاوەنی رەگەزنامەی ئیسپانی نین. 

ئەمڕۆ ئەو یاریزانە، پشكنینە پزیشكییەكان ئەنجام دەدات و گرێبەستەكەی لەگەڵ مایۆركا واژۆ دەكات، بەمەش دەبێتە سێیەم یاریزانی ژاپۆنی، لە دوای ئەكۆبۆ و ئەكیهیتۆ ئیناگا كە یاری بۆ ریال مایۆركا بكات.

944 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations