هەولێر ؛ تەرمی دكتۆرێك دۆزرایەوە

14.08.2019

لڤین:

پۆلیسی هەولێر ،  ئەو پلانە ئەمنییە هاوبەشەی داندرابوو لەنێوان هێزەكانی پۆلیس و ئاسایش و پۆلیسی هاتوچۆ، خۆشبەختانە پلانەكە بەسەركەوتوویی جێبەجێكرا ، تەرمی دکتۆریکیش لە شوقەکەیدا دۆزرایەوە .

ئێوارەی ئەمڕۆ ( چوارشەممە ، ١٤ی ئایاری ٢٠١٩ ) ، هۆگر عەزیز وتەبێژی پۆلیسی هەولێر لە كۆنفڕانسێكی ڕۆژنامەوانیدا ڕایگەیاند " ئەو پلانە ئەمنییە هاوبەشەی داندرابوو لەنێوان هێزەكانی پۆلیس و ئاسایش و پۆلیسی هاتوچۆ، خۆشبەختانە پلانەكە بەسەركەوتوویی جێبەجێكرا و لە هەولێر جەژنێكی ئارام بەڕێوەچوو".

هەروەها ، وتەبێژی پۆلیسی هەولێر ، ئاشکرای کرد " لەڕۆژی یەكەم و چوارەمی جەژن هیچ ڕووداوێك ڕووی نەداوە، لەڕۆژی دووەمی جەژن لەكاتی ئێوارەكەی لەسەر ڕێگای كەسنەزان چەند كەسێك تەقەیان كردووە، بەڵام هیچ زیانێكی نەبووە دادوەر فەرمانی دەستگیركردنی بۆ تەقەكەرەكان دەركردووە، هەروەها لەڕۆژی سێیەمیش لە شووقەكانی لوبنانی هەواڵ دراوە كەوا بۆنێكی ناخۆش دێت، دوای گەیشتنی پۆلیس دەركەوتووە كەسێك بەناوی (دكتۆر هەڵۆ) گیانی لەدەستداوە ".

سەبارەت بە دۆزینەوەی تەرمی دکتۆرێک لە شوقەکەی خۆیدا ، وتەبێژی پۆلیسی هەولێر ، ڕایگەیاند " بەپێی گرتەی كامێراكان و پشكنینی دادی، دكتۆر هەڵۆ لە ڕێكەوتی ( ٦ی ئاب ) گەڕاوەتەوە بۆ شوقەكەی و گیانی لەدەستداوە بەمردنێكی ئاسایی، بەڵام لە ( ١٣ ی ئاب ) تەرمەكەی دوای بۆنكردنی دۆزراوەتەوە ".

لەبارەی گەشتیارانیشەوە ، وتەبێژی پۆلیسی هەولێر ، ڕایگەیاند " لەبازگەكان و خاڵی سنوری و فڕۆكەخانە ( ١١١ هەزار ٨٧٦ ) گەشتیار لەماوەی پشووی جەژن هاتوون بۆ هەولێر ".

7043 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations