ڕاپەڕین ؛ لەبارەی تەقینەوەکەی شەوی ڕابردووەوە پۆلیس ڕوونکردنەوە دەدات

14.08.2019

لڤین:

وته‌بێژی پۆلیسی راپه‌ڕین ، شه‌وی رابردوو له‌ لایەن کەسێکی نەناسراوه‌وه‌، نارنجۆکێک هەڵدرایە بەردەم ماڵی سەرۆکی پێشووتری شارەوانی قەڵادزێ ، خۆشبەختانە هیچ زیانێکێ گیانی لێ نەکەوتەوە .

درەنگانێکی شه‌وی رابردوو له‌ لایه‌ن كه‌سێكی نه‌ناسراوه‌وه‌ نارنجۆكێك فڕێدراوەتە به‌رده‌م ماڵی پێشووتری سه‌رۆكی شاره‌وانی قه‌ڵادزێ.

سەبارەت بەو ڕووداوە ، رائید شۆڕش ئیسماعیل، وته‌بێژی پۆلیسی راپه‌ڕین ، بە میدیاکانی ڕاگەیاندوە " شه‌وی رابردوو له‌ لایەن کەسێکی نەناسراوه‌وه‌، نارنجۆکێک هەڵدراوەتە بەردەم ماڵی سەرۆکی پێشووتری شارەوانی قەڵادزێ ، دوایی رووداوەکەش  هێزەکانمان لە بنکەی پۆلیسی فریاکەوتنی پشدەر و بنکەی پۆلیسی قەڵادزێ گەیشتنە شوێنی رووداوەکە، خۆشبەختانە هیچ زیانێکێ گیانی لێ نەکەوتەوە".

سەبارەت بە تۆمەتبارەکە و هۆکاری ڕووداوەکە ، وته‌بێژی پۆلیسی راپه‌ڕین ، ئاشکرای کردووە " سه‌رۆكی پێشووتری شاره‌وانی قه‌ڵادزێ گومانی له‌ كه‌س نه‌بووه‌ و لێكۆڵینه‌وه‌ش له‌ رووداوه‌كه‌ به‌رده‌وامه‌، به‌ڵام تا ئێستا هیچ كه‌سێك له‌سه‌ر رووداوه‌كه‌ ده‌ستگیر نه‌كراوه‌ ".

 

 

878 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations