مەسعود عەبدولخالق وەڵامی میدیاكانی پارتی دەداتەوە

07.08.2019

لڤین: 
خاوەنی دامەزراوەی ستاندەر وەڵامی میدیاكانی پارتی دەداتەوە دەڵێت مەسورفیان لە چەندین ملیار دینار تێپەڕی كردووە و  چارەكە ڕایەكیشیان پێ دروست نابێت، بەرگری لە سەرنوسەری لڤینیش دەكات. 

مەسعود عەبدولخالق، خاوەنی دامەزراوەی ستاندەر، لە نوسینێكدا وەلامی ئەو تۆمەتانەی میدیای پارتی دەداتەوە لەبەرامبەر سەرنوسەری لڤین و دەڵێت: كاتی خۆی (پ د ك) كەچە رادیۆیەكی هەبوو لە كەلینە شاخیك بەپارەی حەلال دروست كرابوو، زۆر راستگۆ و نیشتمان پەروەر بوو ، كاریگەری لەسەر هەر چوار پارچەی كوردستان هەبوو، كەچی ئێستا ئەو هەموو كەناڵ و ناوەندانەی هەیە (مەسروفی لە چەندین ملیار دینار  تێپەڕیوە) چارەكە ڕایەكیشی پێ دروست نابێت،  كەچی دەزگای تری ڕاگەیاندن هەیە مانگانە مەسروفی كەمتر لە  ملیۆنەك دینارە كاریگەری لەوان زیاترە و جێی متمانەی خەڵكە، ناچار ملی لە تەزویرو درۆ و بوختان ناوە، كەس بە راستیەكانیشی باوەڕ ناكات،  لەوەش زیاتر هەڵساوە بەدروست كردنی پەیج و  ناوەند بەناوی خەلكی تر، هەواڵیشی لەسەر دروست دەكات. 

ناوبراو لە نوسینێكیدا بە ناوی "(پ د ك) ئیعلامێكی  موفلیس" باس لە هێرشەكەی پارتی دەكات بۆسەر ئەحمەد میرە و دەڵێت "لەنمونەیەكی سەرنج ڕاكیش باسنیوز (كە خۆی وادەناسێنی كە گوزارش لە بارەگای بارزانی دەكا) هاتوە هەواڵێكی لە موستەحیل دروست كردووە و جوان سەرنجی بدەنێ: بەناوێكی وەهمی (ڕێبوار هەڵەبجەیی) سوێند دەخوا ئەحمەد میرەی لە ئیتلاعاتی ئورمیە بینیە، ئینجا پەیجیكیان بەناوی ئەحمەد میرە دروست كردوە و لەوێ گوایە ڕوونكردنەوەی لەسەر ئەو هەواڵەداوە و ووتویەتی كاكە ئەوا لەگەڵ مسعود عبدالخالق پێكەوە چووینە ئورمیە و گیراین، هەر باسنیوز (نوسەرێكی دەست كەوتوە بەناوی سۆران) كۆمنتێكی نوسیە لەسەر ئەو پەیجە تەزویرانە، ئینجا باسنیوز لەسەر ئەو كۆمێنتە حەرامە كردوویە بەهەواڵ، دوای نوسەرەكە زانیویەتی درۆ و بوختانەكە و تەزویرەكە زۆر زەقە هەڵساوە كۆمێنتەكەی كوژاندۆتەوە كەچی باسنیوز هەر بەردەوامە لەسەر ئەو هەواڵە".

ئەو رونیدەكاتەوە "بوونە ئیتلاعات چ پێویستی بە چوونە ئۆرمیە هەیە، ئەوە نیە ئیتلاعات ومیت پڕیەتی .. ئەوانەش دەبنە ئیتلاعات ومیت و موخابرات كە گەندەڵ و پارە پەرستن و ئەوە نەبوو مەلەفەكانتان ئاشكرا بوو لە موخابەراتی عێراقە ئێ سبەی ئاواش مەلەفتان لەتاران وئەنقەرە ئاشكرا دەبێت".

خاوەنی دامەززراوەی ستاندەر ئاشكرای دەكات "خۆم 8 ساڵ لەوەو پێش سەردانی ئێرانمان كرد لەگەل كۆمەڵێك مامۆستای ئاینی نوێنەرایەتی 3 وەزارەتیشمان لەگەڵ بوو" .

ئەو باس لەوە دەكات رێك نەكەوتوە هەرگیز  ئورمیە ببینم هەر نەمدیوە،بە شانازیشەوە دەڵێت "لە ژینیشما وا ڕێكنەكەوتوە لەگەڵ بەریز كاك ئەحمەد میرە سەفەر بكەم جێی شانازیە سەفەری لەگەڵ بكەم (پیاوێكی نیشتمانی دژ بەگەندەڵ لە ژیانیدا ئەو دەوڵەت و ئەو دەوڵەتی نەكردوە و هێزی دوژمنانی نەهێناوە ..)".

5956 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations