رێگە نادرێت رۆناڵدینهۆ لە بەرازیل بچێتە دەرەوە

30.07.2019

لڤین:

رۆژنامەیەكی بەرازیلی ، بەرپرسانی بەرازیل پاسپۆرتیان لە رۆناڵدینهۆی ئەستێرەی پێشووی هەڵبژاردەی سامبا سەندۆتەوە و رێگەی پێنادەن لەوڵاتەكە بچێتە دەرەوە.

رۆژنامەی (فولیا دو ساو پاولۆ)ـی بەرازیلی رایگەیاندووە" دادگا بریاریداوە بە سەندنەوەی پاسپۆرت لە رۆناڵدینهۆ بەهۆی كێشەكانی ئەم دوایەی كۆمپانیای نیشتەجێبوون كە بە هاوبەشی لەگەڵ براكەی بەرێوەدەبەن".
لە هەواڵەکەدا هاتووە" كۆمپانیاكە لەیەكێك لە پرۆژەكان سەرپێچی ژینگەیی كردووە ،هەر بەهۆی ئەمەوە بریاری سزای پێبژاردن بۆ كۆمپانیاكە دەرچووە ، بەهۆی ئامادەنەكردنی پارەكەش ، رۆناڵدینهۆ رێگەی گەشتكردنی بۆ دەرەوەی وڵات لێ قەدەغەكراوە".

940 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations