ڕێکارەکانی وەزارەتی تەندروستی بەرامبەر ئەو هاووڵاتیانەی لە هیندیستان دەگەڕێنەوە ئاشکراکرا

لڤین:

دوای بڵاوبونەوەی زنجیرەیەكی نوێی كۆرۆنا لە وڵاتەی هیندستان كە بەشێوەیەكی مەترسیدار تەشەنەدەكات، وەزارەتی تەندروستی حكومەتی هەرێمی كوردستان پێنج رێكاری خۆپارێزی بۆ ئەو هاوڵاتیانە ئاشكراكرد كە لەو وڵاتەوە دەگەڕێنەوە.

وەزارەتی تەندروستی حكومەتی هەرێمی كوردستان،  لە نوسراوێكدا كە وێنەیەکی دەست ( لڤین ) کەوتووە و ئاڕاستەی بەڕێوەبەرایەتییە گشتییەكانی ( هەولێر، سلێمانی، دهۆك، هەڵەبجە، گەرمیان، راپەڕین و كۆیە ) ی كردوە، تێیدا هاتووە، ” ئاماژە بە نوسراوی حکومەتی فیدراڵ / فەرمانگەی تەندروستی گشتی کراوە و داوای كردوە ئەم پێنج رێكارە بۆ ئەو هاوڵاتیانە بگیرێنەبەر كە لە هیندستانەوە دەگەڕێنەوە.

ڕێکارەکان:.

١- کەرەنتیكردنی ئەو كەسانەی بەشێوەی راستەوخۆ و ناڕاستەوخۆ لەو وڵاتەوە دێن بۆ ماوەی 14 رۆژ لەگەڵ ئەنجامدانی پكشنینی پی سی ئاڕ بۆ هەر هاوڵاتییەك.

٢ – جیاكردنەوەی كەسانی توشبوی سەلمێنراو بە پشكنین لەو دەزگا تەندروستیانەی كە تایبەتن بە كەرەنتینكردن لەگەڵ گرتنەبەری گشت رێكارەكانی خۆپارێزی و چارەسەر بەپێی پێویست و بەگوێرەی پرۆتۆكۆلەكان.

٣ – وەرگرتنی پشكنینی دوەمی پی ئاڕ سی بۆ كەرەنتینكراوەكان پاش تێپەڕبونی حەوت رۆژ لە پكشنینی نێگەتیفی یەكەم.

٤- ئەگەر هاتو پشكنینی دوەمیش نێگەتیف بو، ئەو كەسانە لە ماڵی بۆ هەفتەی سێیەم كەرەنتین دەكرێن و چاودێری دەكرێن لەلایەن تیمەكانی فریاگوزارییەوە بەپێی شوێنی خۆیان.

٥- نمونەیەكی پشكنین وەردەگیرێت لە كۆتایی ماوەی كەرەنتین لە ماڵەوە لەگەڵ وەرگرتنی رێكارەكانی خۆپارێزی و بەپێی ئەنجامی پشكنینەكە.

بابەتی پەیوەندیدار

Back to top button