گەریلا لە دژی بارەگایەکی سەربازی تورکیا لە هەرێم هێرشی ئەنجامدا

لڤین:

دژی بارەگایەکی سەربازی تورکیا لە ناو خاکی هەرێمی کوردستان گەریلاکانی پەکەکە هێرشیان ئەنجامدا و لە زاپیش 3 سەربازی تورکیاین کوشت.

ئاژانسی فورات بڵاویکردەوە، “یەکەی تۆڵەی شەهید بەدران گوند کەرەمۆ” لە دژی بارەگایەکی سەربازی تورکیا لە سیری لە نزیک شارۆچکەی شیلادزێی سنوری پارێزگای دهۆک هێرشێکی ئەنجامدا.

بەپێی زانیارییەکان هێرشەکە دوێنێ ئەنجامدراوە و “لە تۆڵەی شەهیدانی شیلادزێ و لە دژی داگیرکەریی سەر باشووری کوردستان ئەنجامدراوە”.

لەلایەکی دیکەوە شەڕی نێوان گەریلاکانی پارتی کرێکارانی کوردستان (پەکەکە) و سەربازانی تورکیا بەردەوامە و بەپێی زانیارییەکانی هەمان سەرچاوە لە قەلا بەدەوێ لە ناوچەی زاپ لە “هەرێمەکانی پاراستنی مەدیا” لە ٢٧ی نیساندا لە نێوان گەریلاکانی ئازادیی کوردستان و سەربازانی تورکیا شەڕ روویداوە و لەو شەڕەدا ٣ سەربازی تورکیا کوژراون.

ماوەی چەند ڕۆژێکە سوپای تورکیا لە ناوچەکانی زاپ، ئاڤاشین و مەتینا دەستی بە ئۆپەراسیۆنی سەربازیی لە ناو خاکی هەرێمی کوردستان کردووە.

بابەتی پەیوەندیدار

Back to top button