چیرۆکی داگیرکاری ھەشت ھەزار دۆنم زەوی لە سلێمانی
لڤین:
عەلی حەمەساڵح، ئەندامی پەرلەمانی کوردستان، لە هەژماری فەرمی خۆی لە تۆڕی کۆمەڵایەتی فەیس بووک، سەبارەت بە هەندێک داگیرکاری زەوی کە لەشاری سلێمانی کراوە، ڕایگەیاندووە” گەورەترین گەندەڵی و ساختەکاری و داگیرکاری لە مێژو سلێمانیدا لەم سێ ساڵەدا كراوە”.
لە بەشێکی تری نوسینەکەدا هاتووە” ئەم زەویانە بەپلان و خزمەتگوزاریەکی شایستە بفرۆشرایە بە بەھاکەی زیاتر بوو لە یەک ملیارو ٧٥٠ ملیۆن دۆلار”.
دەقی نوسینەکە:
چیرۆکی داگیرکاری ھەشت ھەزار دۆنم لە سلێمانی کە بەھاکەی یەک ملیارو ٧٥٠ ملیۆن دۆلارە
بەم پارەیە سلێمانی دەکرایە شارێکی نمونەیی
گەورەترین گەندەڵی و ساختەکاری و داگیرکاری لە مێژو سلێمانیدا لەم سێ ساڵەدا كراوە..
ئەم زەویانە بەپلان و خزمەتگوزاریەکی شایستە بفرۆشرایە بە بەھاکەی زیاتر بوو لە یەک ملیارو ٧٥٠ ملیۆن دۆلار..
بەنایاسایی و قۆرخکاری و گەندەڵی، لە دوو ساڵدا نزیکەی ھەشت ھەزار دۆنم لە سلێمانی دەستی بەسەردا گیراوەو مەتر مەتر فرۆشراوە یان کراوەتە مەخزەن و مەعەرز و بەشێکیشی لە پلانی دەستبەسەردا گرتندایە..
ئەو داگیرکاری و گەندەڵیەی لەم سێ ساڵەدا بەزەوی کراوە، لە مێژوی ئەم شارەدا وێنەی نەبوە..
بە سەدان دۆنم زەوی لە سلێمانی کوتوەتە بەر لێشاوی داگیركردن، ئیفرازكردنی نایاسای ، دابه‌شكردن و فرۆشتن بە بێ تاپۆ و ھیچ بەڵگەنامەیەکی یاسایی، ته‌نانه‌ت گه‌یشتوه‌ته ئه‌وه‌ى، زه‌وى ته‌رخانكراو بۆ سه‌وزایى گه‌ڕه‌كه‌كان و شوێنى قوتابخانه و مزگه‌وت و نه‌خۆشخانه و خزمه‌تگوزارییه‌كانى دیكه، پارچە پارچە کراوەو دابەشکراوە.
ئەوەی چەندین مانگە لێکۆڵینەوەی لێدەکەین تەنیا داگیکاری و دزینی زەوی نیە لەم شارەدا، بەڵکو تێکدانی ئەم شارەیە..
چه‌ندین به‌رپرسى ئه‌منى، سه‌ربازى، حزبى وحكومی و چەند دەڵاڵێک ، داگیرکاریەکی مەترسیداریان ئەنجامداوە..
ھەموو ئەم داگیکاریەش بەناوی ھێزی ئەمنی و چەکدارەوە دەکرێت، لەبەر ئەوەی ھیچ بەڵگەنامەو تاپۆ و ھیچ شتێکی نیەو لە ئێستادا بوە بەھۆی دروستبونی چەندین کێشە.. لە ئایندەشدا سەدان دوژمنداری دروستدەکات…
بەبێ فرمانی وەزاری و ھیچ ئەمرێکی یاسایی خۆیان ئیفراز دەکەن و دەیفرۆشن! نزیکەی ٤٥ ھەزار پارچە زەوی بەنایاسایی فرۆشراوەو تەخشان و پەخشانی پێکراوە…
چی لە کوێ داگیکرا..
چەند بەرپرسێکی سەربازی بەناوی ھێزی پێشمەرگەوە نزیکەی ٢٣ھەزار پارچە زەویان بەپێ تاپۆو فەرمانی وزاری فرۆشتوەو بەشکردوە.. بەھای ھەر پارچەیەک لە ١٠ ھەزار بۆ ٣٠ ھەزار دۆلارە!! کۆی گشتی ئەو پارەی دەستیان کەوت ٣٣٢ ملیۆن دۆلارە!
ئەو شوێنانەی داگیرکاریان تێدا کراوە.
– ئاوباره
-ڕێگاى تاسڵوجه، پشت سنه‌وبه‌ره‌كان زیاتر له 120 دۆنم
-ته‌نیشت و پشتى قه‌برستانى عه‌واڵ
-به‌رامبه‌ر محه‌مه‌ته‌ى كاره‌باكه هه‌زار دۆنم
به‌رامبه‌ر ده‌رگاى سه‌ناعه‌ى به‌كره‌جۆ
ته‌نیشت مه‌تارى سلێمانى.
به‌رامبه‌ر ده‌رگاى سه‌ناعه‌ى به‌كره‌جۆ
زه‌وى ته‌رخانكراو بۆ خزمه‌تگوزارى گه‌ڕه‌كه‌كانى بیسته‌كان …
-ته‌نیشت ده‌واجنه‌كان
-کانى گۆمه تاوەکو تانجه‌رۆ
-خوار به‌كره‌جۆ زه‌وییه كشتوكاڵیه‌كان
پشت بازگەی عەرەبەت سلێمانی ئەو شەقامەی لادەداتەوە بۆ شاری مامۆستایان دەکرێتە مەخزەن..
خزمەتگوزاری گەڕەکی خاک بەردەم ماڵەکان شەقامە گشتیەکە دەکرێتە مەخزەن..
خه‌لیفاوا ( بەناوی هێزەکانی حەفتا دابەشدەکرێت )
لە گەڕەکی باوەمردە لە ڕاپەڕین سەروی مزگەوتەکە، زەوی خزمەتگوزاری باخچەی ساوایان و نەخۆشخانەو سەوزایی، ٢٠ پارچە زەوی لێجیاکراوەتەوە..
قولە رەیسی نزیکەی ٢٠ ھەزار پارچە..
باخچە لەگڕەکی زانکۆ تەنیشت فڕۆکەخانە..
به ئامێرى پێشكه‌وتو و له ئاسمانه‌وه زه‌وى ئیفراز ده‌كرێت! به سه‌وزایى و دار و دره‌خته‌وه نه‌خشه‌ى بازرگانى بۆ ده‌كێشرێت، دەستدرێژی بۆ سەر تاوەرو ھێڵی کارەبا دەکرێت..
ئێستا بە ھەزاران پارچە زەوی بە نایاسایی فرۆشراون و لە ئایندەدا کێشەی زۆر گەورەی بەدوا دێت…
ھیچ بەڵگەیەکی یاسایی نیە، ئەم زەویانە ھی کێن!!!
عەلی حەمە ساڵح
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
