لەبارەی دڕاندن و فڕێدانی قورئانەوە بارەگای بارزانی ڕاگەیەندراوێکی بڵاوکردەوە

لڤین:

بارەگای بارزانی لە ڕاگەیەندراوێکدا، لە پەڕەی تایبەتی خۆی لە تۆڕی کۆمەڵایەتی فەیس بووک لە بارەت گرتەیەکی ڤیدیۆیەوە، کە لە شەقامێکی شاری هەولێر چەند پەڕەیەکی قورئانی پیرۆزی فڕێدراو کۆدەکرێتەوە، ڕایگەیاند” سووكایەتیكردن بە پیرۆزییەكانی خەڵك بابەتێكی مەترسیدارە و بە هیچ شێوەیەك قابیلی قبووڵ نییە و، هەر كەس و لایەنێك لە پشت ئەو كردە نابەجێیە بێت ئامانجی تێكدانی ئاساییش كۆمەڵایەتی و فیتنەگێڕییە و، پێویستە بە سزای خۆی بگات”.

 

دەقی ڕاگەیەندراوەکە:.

شەوی ڕابردوو لە تۆڕە كۆمەڵایەتییەكاندا چەند دیمەنی لاپەڕەکانی قورئانی پیرۆز بڵاو كرانەوە كە زۆر بە داخەوە بە دڕێندراوی لە یەكێك لە شەقامەكانی شاری هەولێر فڕێدرابوون.

سووكایەتیكردن بە پیرۆزییەكانی خەڵك بابەتێكی مەترسیدارە و بە هیچ شێوەیەك قابیلی قبووڵ نییە و، هەر كەس و لایەنێك لە پشت ئەو كردە نابەجێیە بێت ئامانجی تێكدانی ئاساییش كۆمەڵایەتی و فیتنەگێڕییە و، پێویستە بە سزای خۆی بگات.

ئەوەی ڕووی داوە بەزاندنی هەموو سنوور و هێڵێكی سوورە و، داوا لە لایەنە پەیوەندیدارەكان دەكەین بەدواداچوون بۆ ئەم بابەتە بكەن و دەبێ ڕێگە لەو جۆرە تاوان و ڕەفتارە ناشاییستانە بگیرێت.

بارەگای بارزانی
٢٣ـی نیسانی ٢٠٢١

بابەتی پەیوەندیدار

زیاتر بخوێنەوە
Close
Back to top button