قائیمقامییه‌تی سلێمانیی هۆشداری دەدات لە ئاوی له‌ده‌به‌نراو

لڤین:

راگه‌یاندنی قائیمقامیه‌تی سلێمانی، لە ڕاگەیەندراوێکدا لە پەڕەی تایبەتی خۆی لە فەیس بووک ڕایگەیاندووە، ئه‌مڕۆ هه‌ینی ( ٢٣ ی نیسانی ٢٠٢١ ) له‌شكر حه‌مید، سه‌رۆكی لیژنه‌ هاوبه‌شه‌كانی قائیمقامیه‌تی سلێمانی رایگه‌یاند” پێشتر له‌رێگه‌ی سه‌ردانی لیژنه‌كان و راگه‌یاندنه‌كانه‌وه‌ دوكان، ماركێت، كۆگا و كارگه‌كانی ئاو، ئاگادار كراونه‌ته‌وه‌ له‌ هه‌ر شوێنێك‌ ئاوی له‌ده‌به‌نراو‌ له‌ پله‌ی گه‌رمی به‌رز و به‌ر تیشكی خۆر دابنرێت یان له‌كاتی گواستنه‌وه‌یدا دانه‌پۆشراو بێت قائیمقامیه‌تی سلێمانی شوێنه‌كه و شۆفێره‌كه‌ش‌ روبه‌ڕوی رێكاری یاسایی توند ده‌كه‌نه‌وه‌”.

وتیشیەتی”پێش ئه‌وه‌ی ئاو بكرێته‌ ناو ده‌به‌ پلاستیكه‌كان، له ‌بری كلۆر ‌ماده‌ی ئۆزۆن (O3) بۆ خاوێنكردنه‌وه‌ی ده‌به‌كان به‌كارده‌هێنرێت، له‌كاتی به‌ركه‌وتنی به‌تیشكی خۆر، ئۆزۆنه‌كه‌ شی ده‌بێته‌وه‌ بۆ (O2) له‌گه‌ڵ ئۆكسجینێكی چالاك، (O2) به‌بێ كێشه‌ له‌گه‌ڵ ئاو تێكه‌ڵ ده‌بێت، به‌ڵام مانه‌وه‌ی یه‌ك ئۆكسجین له‌ش توشی نه‌مانی به‌رگری ده‌كات”.

هەروەها لەشکر حەمید، رونیكرده‌وه‌تەوە”به‌رز بونه‌وه‌ی پله‌ی گه‌رمی بۆ ( ٢٥ ) پله‌ی سه‌دی،‌ به‌شێكی پلاستیكه‌كه‌ له‌گه‌ڵ ئاوی ناو ده‌به‌كه‌‌‌ كارلێك ده‌كات ده‌بێته‌ هۆكاری سه‌ره‌كی بۆ توشبون به‌نه‌خۆشی شێرپه‌نجه ‌و تێكچونی هۆرمۆنه‌كان به‌تایبه‌ت له‌خانماندا”.

لەبەشێکی تری ڕاگەیەندراوەکەدا هاتووە” قائیمقامیه‌تی سلێمانی نوسراوی ئاراسته‌ی به‌ڕێوه‌به‌رایه‌تی هاتوچۆی سلێمانی كردوه‌ بۆ لێپرسینه‌وه‌ له‌و بارهه‌ڵگرانه‌ی ئاوی له‌ده‌به‌نراو به‌دانه‌پۆشراوی ده‌گوازنه‌وه‌، هه‌روه‌ها به‌فه‌رمانی قائیمقامی سلێمانی هه‌ر شوێنێك سه‌رپێچی بكات و ئاوی له‌ده‌به‌نراو له‌ پله‌ی گه‌رمی به‌رز و به‌رتیشكی خۆر دابنێت له‌لایه‌ن لیژنه‌ هاوبه‌شه‌كانه‌وه‌ شوێنه‌كه‌ و خاوه‌نه‌كه‌شی روبه‌ڕوی رێكاری یاسایی توند ده‌كرێته‌وه‌”.

لە کۆتای ڕاگەیەندراوەکەدا هاتووە” لەکاتی هەبونی سکاڵا یان پێدانی زانیاری بە قائیمقامیەتی سلێمانی و لیژنە هاوبەشەکان پەیوەندی بە ژماره‌ مۆبایلی (07708677777)ـه‌وه‌ بکەن”.