پۆلیسی هەولێر لەبارەی رووداوێکی تەقەکردن لە دریم سیتی روونکردنەوەیدا
لڤین:
لەبارەی رووداوێکی شەڕەتەقە لە دریم سیتی، پۆلیسی هەولێر، ڕوونکردنەوەیدا و دەڵێت: هەواڵی کوژرانی دووکەس لەو شەڕەدا دوورە لە ڕاستیەوە و هۆکاری ڕوودانی شەڕەکەش دەخاتەڕوو.
موقەدەم هۆگر عەزیز، وتەبێژی پۆلیسی هەولێر ڕاگەیاند، شەڕە تەقە لەنێوان چەند گەنجێک لە دریم سیتی شاری هەولێر روویدا، بەڵام سوپاس بۆ خوا ڕووداوەکە کوژراو و برینداری لێنەکەوتەوە.
ئاماژەی بەوەشکرد، “چەند میدیایەک، گرتەی ڤیدیۆی تەقەکردنەکەیان بڵاو کردەوە، وایان خستەڕوو کە لە ڕووداوەکە دووکەس کوژراوە، بەڵام ئەمە دوورە لە راستی و ھیچ کەسێک بریندار نەبووە و نەکوژراوە”.
وتەبێژی پۆلیسی هەولێر، وتیشی، رووداوەکە لەسەر دەماقەڵەی نێوان چەند کەسێک بووە، سکاڵاش تۆمارکراوە و پۆلیسی هەولێر ئەو کەسانە دەستگیردەکات کە لە تەقەکردنەکەدا بەشدار بوون.
