عەلی حەمەساڵح: بەدواداچونم بۆ ڤاکسینی فایزەری قاچاخ کرد

لڤین:

پەرلەمانتارێک رایگەیاند بۆبابەتی ناردنی ڤاکسینی فایزەر بۆ ئێران بە شێوەی قاچاغ پەیوەندی بە وەزیری تەندروتیەوە کردووە و ئەو رەتیکردووەتەوە.

عەلی حەمەساڵح، ئەندامی پەرلەمانی کوردستان رایگەیاند  بەدواداچوونی کردووە  بۆ ڤاکسینی فایزەری قاچاغ و  بۆ ئەو مەبەستە پەیوەندی بە وەزیری تەندروستی کردووە و رەتیکردووەتەوە  ئەویش داوایکردووە بە فەرمی راگەیەندراو بڵاو بکەنەوە.

دەقی نوسینەکە:

بەدواداچونم بۆ “ڤاکسینی ڤایزەری قاچاخ” 

دوو کاتژمێر پێش ئێستا پێگەی  BBC  بەفەرمی ڤیدۆیەکی بڵاوکردەوە گوایە ڤاکسینی ڤایزەر  لە کوردستانەوە بەقاچاخ چوتە ئێران .. 

لێکۆڵینەوەم لەم دۆسیە کرد.. 

کەناڵی BBC متمانە پێکراوەو زانیاریەکانی جێگای بایەخن.. 

پەیوەندیم بە وەزیری تەندروستیەوە کرد ڕەتیکردەوەو داوامکرد بەفەرمی ڕاگەیاندراو بڵاو بکەنەوە.. 

ئەو دەنگۆیەش گوایە لە پشکی سلێمانی بردراوە، بەدوای چوم ڕاست نیە، بەڕێوبەری تەندروستی وتی: ٣ بەش ھاتوەو ھەر بەشەی ١٧٠٠ ڤاکسینە.. بەشێکی بەکارھاتوەو بەشێکی ماوە.. دەتوانن لێکۆڵینەوە بکەن.. 

ئەوەی جێگای سەررنجە لەزگەی DHL ی گەورە کۆمپانیای پۆست بەکارھاتوە…

لە لێکۆڵینەوە لەم دۆسیە بەردەوام دەبین.. 

بەراوردی ژمارەی ڤاکسینی ھاتوو بەبەکارھێندراو دەکەین.. 

گرفتەکە ئەوەیە لەبەر ئەوەی بەرپرسان قاچاخچێتیان بە ھەموو کاڵایەک کردووە متمانە نەماوە..

عەلی حەمە ساڵح

بابەتی پەیوەندیدار

Back to top button