لە قامیشلۆ شەڕ لە نێوان چەکدارانی ڕژێمی سوریا و ئاسایشی رۆژئاوا ڕوویدا

لڤین:

ئاسایشی رۆژئاوای کوردستان رایگەیاند، هێزەکانی “بەرگری نیشتمانی ڕژێمی سوریا” هەوڵی تێکدانی سەقامگیریی و ئاسایشیان داوە لە شاری قامیشلۆ و تەقەیان لە بنکەیەکیان کردووە، بەوهۆیەشەوە شەوی ڕابردوو پێکدادان لەنێوان هەردوولادا ڕوویداوە و ئەندامێکیان گیانی لەدەستداوە.

ناوەندی ڕاگەیاندنی هێزەکانی ئاسایشی رۆژئاوای کوردستان لەراگەیەنراوێکدا ئاشکرایکرد، “ئەندامێکی هێزەکانی بەرگری نیشتیمانی حکومەتی سوریا لە دەوروبەری ناوچەی “ئەلوەحدە” لە شاری قامیشلۆ تەقەیان لە خاڵێکی پشکنینی هێزەکانمان کردووە و بەهۆیەش ئەندامێکی هێزەکانمان دوای برینداربوونی، گیانی لەدەستداوە”.

ئەوەش هاتووە، هێزەکانی ئاسایش “بۆ ساتێکیش دووا ناکەون بۆ بەرگریی و نەهێشتنی هەموو ئەو هەوڵانەی کە لەلایەن میلیشیاکانەوە دەدرێت بۆ بەئامانجگرتنی خاڵەکانی ئاسایشمان و بڵاوکردنەوەی  ناسەقامگیری بۆ خەڵکی ناوچەکە”.

بەپێی زانیارییەکان کاتژمێر 9:10 خولەکی شەوی رابردو هێزێکی “بەرگری نیشتیمانی ڕژێمی سوریا” لەکاتی تێپەڕبوونیان بەبەردەم بنکەیەکی ئاسایشی ئیدارەی خۆبەڕێوەبەریی لەشاری قامشلۆ دەستڕێژی گولـلەیانکردوە.

ئاماژە بەوەشکرابوو، دواتریش لەلایەن هێزەکانی ئاسایش وەڵامی هێرشەکەی هێزی بەرگریی دراوەتەوە و لەکاتی ڕووبەڕبوونەوەکانیشدا ئەندامێکی هێزەکانی ئاسایش بەسەختی برینداربووە و دواتریش گیانی لەدەستداوە.

بابەتی پەیوەندیدار

Back to top button