داوای راگرتنی دوو بەرنامەی ئاینی لە کەناڵەکانی نزیک لە پارتی دەکرێت

لڤین:

ژمارەیەک مامۆسیا ئاینی و کەسایەتی نامەیەکی کراوە ئاراستەی لەیەنە پەیوەندیدارەکان دەکەن بۆ راگرتنی دووبەرنامەی کەناڵەکانی نزیک لە سەرۆکی حکومەت و سەرۆکی هەرێم.

لە نامەیەکی کراوەدا کە خۆیان وەک دەستەیەک لە مامۆستایانی ئاینی و شێخانی تەریقەت و مامۆستایانی زانکۆ و نوسەر و ڕۆشنبیر لە سەرتاسەری کوردستان ناساندووە دەڵێن: چەند کەناڵێکی ڕاگەیاندن بە بەرنامەی تایبەت و بە شێوەیەکی بەردەوام بەتایبەتی لەمانگی پیرۆزی ڕەمەزاندا بێ گوێدانە پاراستنی هەستی موسوڵمانان وەك بڵێی بە شێوەیەکی بەرنامەداڕێژراو کار بۆ تێکدان و شێواندنی ئایينی پیرۆزى ئیسلام دەکەن.

ئە کەسایەتیانە لە نامەکەدا باسیان لە دوو بەرنامەی کەناڵەکانی رووداوی نزیک لە سەرۆکی هەرێم و کوردستان 24ی نزیک لە سەرۆکی حکومەت دەکەن کە تیادا “لە ڕێگەی میوانداریکردنی خەڵکانێکی  گومانلێکراو و دروستکردن و وروژاندنی پرسیارگەلێکی نالۆژیکی و دوور لە هەمو بنەمایەکی زانستی و گومان دروست کردن لەو شتانەی کە لە دینی ئیسلام دا یەکلا و ناسراون”.

 

دەقی راگەیەندراوەکە:

 

بەناوی خوای گەورەو میهرەبان

نامەیەکی کراوە بۆ ھەریەک لە:

بەڕێز سەرۆکی هەرێمی کوردستان

بەڕێز سەرۆکی پەرلەمانی کوردستان

بەڕێز سەرۆکی حکومەتی هەرێم

بەڕێز سەرۆکی ئەنجومەنی دادوەری

بەڕێز داواکاری گشتی

ماوەی چەند ساڵێکە  چەند کەناڵێکی ڕاگەیاندن بە بەرنامەی تایبەت و بە شێوەیەکی بەردەوام بەتایبەتی لەمانگی پیرۆزی ڕەمەزاندا بێ ڕەچاو کردنی ئەو بارە سەختە پڕ لە ناخۆشیەی میللەتەکەمانی تێدایە لە ئەنجامی قەیرانی دارایی و دەیەها کێشەی تری دەرونی و خێزانی و کۆمەڵایەتی و…. هتد.. پاشان ئەم دۆخە ناتەندروستیەی پەتای کۆرۆنا و دەرهاويشتە تاڵەکانی کەتەواوی جومگەکانی ژیانی پەکخستوه،  وەبێ گوێدانە پاراستنی هەستی موسوڵمانان وەك بڵێی بە شێوەیەکی بەرنامەداڕێژراو کار بۆ تێکدان و شێواندنی ئایينی پیرۆزى ئیسلام دەکەن، هەندێ جار لە ڕێگەی میوانداریکردنی خەڵکانێکی  گومانلێکراو و دروستکردن و وروژاندنی پرسیارگەلێکی نالۆژیکی و دوور لە هەمو بنەمایەکی زانستی و گومان دروست کردن لەو شتانەی کە لە دینی ئیسلام دا یەکلا و ناسراون (ما علم من الدین بالضرورة)..

لەوانە بۆ نمونە:

یەکەم: بەرنامەی (پاشیڤ) لە کەناڵی (ڕوداو)

دووەم: بەرنامەی (کرانەوە) له کەناڵی (K24)

کە ئەم جۆرە بەرنامە و پرسانە لەئایندا وەکو ئەوە وایە كه لە بابەتە نیشتمانی و نەتەوایەتیەکاندا .. بەرنامە و تەوەر لەسەر ئەوە بێت کە:

ئایا شۆڕشی ئەیلول شۆڕش بوو یان خیانەت بوو ؟

ئایا سەرکردە نەتەوەییەکانی وەکو شێخ سەعیدی پیران و قازی و نەهری و شێخانی بارزان و شێخ محمودی حەفید هتد… شۆشگێر بوون یان خاکفرۆش بوون …؟!

وە لە کۆتایی گفتوگۆکان لایەنە ناراستەکە پشتڕاست بکەنەوە بە بیانووی (ئازادی رادەربڕین).

ئایا دەکرێت لە ژێر ناو و پاساوی میدیایيدا ڕێگە بەم جۆرە تەوەرانە بدرێت؟؟ جیلی تازە بەدگومان بکرێت لە مێژووی خەبات و سەرکردەکانی؟؟

بۆیە ئێمە کە دەستەیەکین لە مامۆستایانی ئاینی و شێخانی تەریقەت و مامۆستایانی زانکۆ و نوسەر و ڕۆشنبیران لە سەرتاسەری کوردستان  ئەم ئاڕاستەیە لە کاری میدیاییدا لە ژێر هەر پاساوێکدا بێت بە سوکایەتی و شێواندنی ئاینی دەزانین و لە هەمان کاتدا بە تێکدانی ئارامی دەرونی و  خەڵك و هەرێمەکەمانی  دەزانین..

جا لێرەوە داوا لە بەڕێزتان دەکەین بە زووترین کات ئەو بەرنامانە ڕابگرن، چی تر هەستی خەڵکی موسوڵمانی ئاینپەروەری کوردستان بریندار مەکەن بەم جۆرە ئاڕاستەیە لە سوکایەتیکردن و شێواندن و تێکدانی کەشی ڕەمەزان و مەوسم و ساتەکانی خوداپەرستی..

ئومێدەوارین بە زوترین کات بەڕێزتان بە بەرپرسیارێتی خۆتان هەڵسن، ڕێگە بگرن لە شکاندنی پیرۆزی و شکۆی ئاین و  بریندارکردنی هەستی موسوڵمانان و هاونیشتمانیانی هەرێمەکەمان.

لای بەڕێزیشتان ئاشکرایە کە هەموو ئەوەی دەستمان کەوتووە لە حکومەت و پەرلەمان و… هتد بەرهەمی کەسانی ئایینپەروەرو نیشتیمان پەروەر بووە، بۆیە پێویستە پاراستنی وڵات لە پاراستنی تەواوی جومگەو پیرۆزی و بەهاکاندا ڕەنگ بداتەوە…..

والسلام علیکم ورحمة الله ..

19/4/2021 بەرامبەر 6/ڕەمەزانی 1442کۆچی

 



Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4

Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6

Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7

Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22

Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21

بابەتی پەیوەندیدار

Back to top button