سەرۆکی هەرێم و سەرۆکی حکومەت سوپاسی باڵیۆزی تورکیایانکرد

لڤین:

سەرۆکی هەرێم و سەرۆکی حکومەت ئەمڕۆ لە دوو کۆبونەوەی جیاوازدا لەگەڵ باڵیۆزی تورکیا لە عێراق سوپاسیان کرد بۆ  هه‌وڵه‌كانى له‌پێناو په‌ره‌پێدانى په‌یوه‌ندییه‌كانى هەرێم و تورکیا.

کۆبونەوەکان بەبۆنەی کۆتاییهاتنی ئه‌ركی فاتیح یلدز بوو لە عێراق، کومسوڵی تورکیاش لە هەولێر بەشداری تیادا کرد، هەردوو بەرپرسەکەی هەرێمی کوردستان هیواى سه‌ركه‌وتنىان بۆ یەڵدز خواست له‌ كار و ئه‌ركى نوێیدا.

بە گوێرەی راگەیەندراوی سەرۆکایەتی هەرێم لە بارەی کۆبوونەوەکە تاوتوێكردنى دۆخى ناوچه‌كه‌ به‌گشتى، ڕێككه‌وتنى شه‌نگال له‌نێوان حكومه‌تى هه‌رێم و حكومه‌تى عێراقدا تەوەرێکی کۆبونەوەکە بووە.

لە کۆبونەوەکەی سەرۆکی حکومەتی هەرێمیش لەگەڵ ئەو باڵیۆزە، جەخت لە گرنگیی پەرەپێدانی پەیوەندییەکانی نێوان تورکیا و هەرێمی کوردستان لە گشت بوارەکان بە تایبەتی بارزگانیی و بەهێزکردنی هەماهەنگیی لە نێوان هەردولا کرایەوە.

بابەتی پەیوەندیدار

Back to top button