یەکێک لە دەستگیرکراوەکان ئافرەتە

حەوت کەس بەهۆی مادەی هۆشبەرەوە دەستگیرکران

 

بەڕێوبەرایەتی ئاسایشی ڕۆژئاوای سلێمانی رایگەیاند، دوو بازرگان و پێنج بەکارهێنەری ماددەی هۆشبەر دەستگیر کران کە یەکێکیان ئافرەتە.

بەڕێوبەرایەتی ئاسایشی ڕۆژئاوای سلێمانی ڕایگەیاند، لەماوەی (٢٠) ڕۆژدا لەسنوری بەڕێوەبەرایەتیمان ژنێک و شەش کەسی دیکە لەڕەگەزی نێر دەستگیرکراون.

ئاسایش ئەوەشی روونکردەوە، تۆمەتبارەکان دوو کەسیان بازرگانن و یەکێکیان دانیشتوی قەزای شەقڵاوەیە و بەهاوکاری و هەماهەنگی یاریدەرێتی ئاسایشی (تەقتەق)ی سەر بەبەڕێوەبەرایەتی ئاسایشی ڕۆژهەڵاتی هەولێر دەستگیرکراوە کە یەک کیلۆ و ٢٠٠ گرام کریستاڵی پێبووە.

ئەوەشی ئاشکراکرد، ێنج کەسەکەی دیکەشیان بەکارهێنەرن و دانیشتوی ناوچە جیاوازەکانی هەرێمی کوردستانن.

ئەوماددانەی بەکاریان هێناوە لەجۆری کریستاڵ و حەشیشە، سەرجەم تۆمەتبارەکان حەوت کەسن و بەفەرمانی دادوەری دادگەی لێکۆڵینەوەی چەمچەماڵ بەپێی ماددەکانی (۲٦) و (٣٠) لەیاسایی بەرەنگاربوونەوەی ماددە هۆشبەرو کارتێکارە عەقڵیەکان لەهەرێمی کوردستان ژمارە ( ١ ) ساڵی ٢٠٢٠ ڕاگیراون.

بابەتی پەیوەندیدار

Back to top button