قائیمقامیه‌تی سلێمانی

به‌هۆی پابه‌ندنه‌بون به‌ مه‌رج و رێنماییه‌كان سه‌مونخانه‌ی گۆنا داده‌خات

لڤین:

لە ڕاگەیەندراوێکدا کە لە پەڕەی تایبەتی خۆی لە تۆڕی کۆمەڵایەتی فەیس بووک بڵاوی کردەوە قائیمقامیه‌تی سلێمانی ڕایگەیاندووە ئه‌مڕۆ شه‌ممه‌ (2021.4.17) به‌هۆی پابه‌ند نه‌بون به‌ مه‌رج و رێنماییه‌كانی ته‌ندروستی و به‌كارهێنانی پێداویستی خراپ و ماوه‌به‌سه‌رچو له‌ دروستكردنی سه‌مونه‌كاندا، قائیمقامیه‌تی سلێمانی فڕنی سه‌مونی گۆنا له‌ گه‌ڕه‌كی كانی با_ی شاری سلێمانی داده‌خات.

لە بەشێکی تری ڕاگەیەندراوەکەدا هاتووە سه‌رپێچییه‌كی تری سه‌مونخانه‌كه‌ له‌كاتی سه‌ردانی لیژنه‌كه‌ ده‌ركه‌وتوه،‌ ئه‌و پێداویستیانه‌ی (گوێز، خورما، كونجی) له‌ به‌كارهێنانی سه‌مون و به‌رهه‌مه‌كانی دیكه‌ی سه‌مونخانه‌كه‌دا به‌كاریده‌هێنێت، به‌سه‌رچون و شیاوی خواردن و به‌كارهێنان نین.

لە کۆتایدا ئاماژە بەوە دراوە کە به‌فه‌رمانی قائیمقامی سلێمانی سه‌مونخانه‌ی گۆنا داده‌خرێت و خاوه‌نه‌كه‌شی روبه‌ڕوی رێكاری یاسایی تو‌ند ده‌كرێته‌وه‌.

له‌ مانگی ره‌مه‌زانی پیرۆزدا، قائیمقامیه‌تی سلێمانی له‌ڕێگه‌ی (38) لیژنه‌وه‌ به‌ چڕی چاودێری دوكان و بازاڕ و شوێنه‌ گشتییه‌كان ده‌كات، له‌كاتی هه‌بونی سه‌رپێچی شوێنه‌كه‌ و خاوه‌نه‌كه‌شی روبه‌ڕوی رێكاری یاسایی توند ده‌كاته‌وه‌.

بابەتی پەیوەندیدار

Back to top button