لە کارگەیەکی تواندنەوەی ئاسن تەقینەوەیەک روویدا
لڤین:
لە كارگەیەكی تایبەت بە تواندنەوەی ئاسن لە ناوچەی تانجەرۆی سلێمانی تەقینەوەیەک روویدا و بەهۆیەوە کرێکارێک گیانی لەدەستدا و 3 کرێکاری دیکەش بە برینداربون.
بەیانی ئەمڕۆ کاتژمێر 8:30ی لەکارگەیەکی تایبەت بە کۆکردنەوە و تواندنەوەی ئاسن لە ناوچەی تانجەرۆی سلێمانی بە هۆی بوونی مادەی تەقینەوە لەناو ئاسنە کۆنەکاندا تەقینەوەیەک ڕوویدا.
بەگوێرەی زانیاریەکان لەئەنجامی رووداوەکە کرێکارێک لەشوێنی روداوەکە گیانی لەدەستدا وە و سێ کرێکاری دیکەش کەسەرجەمیان بە رەگەز عەرەبن، بەسەختی برینداربون.
لێکۆڵینەوە لەهۆکاری رووداوەکە و ئاستی جێبەجێکردنی رێنماییەکانی سەلامەتی لەکارگەکەدا دەستی پێکردووە و لایەنە پەیەوەندیدارەکان چوونەتە شوێنی رووداوەکە.
