رۆژئاوای كوردستان:

توشبوون بەكۆرۆنا گەیشتە بەرزترین ئاست

لڤین:

دەستەی تەندروستی لەرۆژئاوای كوردستان، ئەمڕۆ دووشەممە 5ی نیسانی 2021 4 حاڵەتی گیانلەدەستدان و 304 توشبوونی نوێی بەكۆرۆنا راگەیاندو بەوەش رێژەی توشبوون بەكۆرۆنا لەناوچەكانی رۆژئاوای كوردستان گەیشتە بەرزترین ئاستی.

د.جوان مستەفا، هاوسەرۆكی دەستەی تەندروستی لەرۆژئاوای كوردستان لەو بارەیەوە رایگەیاند” 4 حاڵەتی گیانلەدەستدان لەشارەكانی قامیشلۆو دێرك و حەسەكە تۆماركراون”.

جوان مستەفا راشیگەیاند” هەروەها 304 حاڵەتی توشبوونی نوێ لەرۆژئاوای كوردستان تۆمار كراوە، 150 حاڵەتیان نێر بوون و 153 حاڵەتی تریشیان مێ‌ بوون و دابەشبوون بەسەر ناوچەو شارەكانی رۆژئاوای كوردستاندا”.

هاوسەرۆكی دەستەی تەندروستی راشیگەیاند” 5 حاڵەتی چاكبوونەوەی نوێیان تۆماركردووە”.

جێی ئاماژەیە” تا ئێستا 10هەزارو 813 حاڵەتی توشبوون بەڤایرۆسی كۆرۆنا لەرۆژئاوای كوردستان تۆماركراون، لەو ژمارەیەش 396 كەسیان گیانیان لەدەستداوەو 1334 كەسیش لەڤایرۆسەكە چاكبوونەتەوە”.

بابەتی پەیوەندیدار

Back to top button