سایلۆی سلێمانی:

چه‌كی پاره‌ی گه‌نمی به‌شێك له‌ جوتیارانی هه‌رێم دابه‌شده‌كرێت

لڤین:

بەڕێوەبەرایەتی بازرگانی دانەوێڵەی سلێمانی ئاگادارییەکی لەبارەی دابەشکردنی چه‌كی پاره‌ی گه‌نمی جووتیاران بڵاوکردەوە.

لە ئاگادارییەکەی بەڕێوەبەرایەتی بازرگانی دانەوێڵەی سلێمانیدا هاتووە: “ئاگاداری ئەو جووتیارانە دەکەینەوە کە لە 24و25ی7ی2014، گەنمیان ڕادەستی سایلۆی سلێمانی کردووە رۆژی سێشەمە 6ی4ی2021، سەردانی هۆبەی ژمێریاری بەڕێوەبەرایەتییەکەمان بکەن لەناحیەی پیرەمەگروون بەمەبەستی وەرگرتنی چەکی پارەی گەنمەکانیان”.

هەروەها ئاماژە بەوەش دراوە، پێویستە ئەو جووتیارەی کە گەنمەکەی بەناوەوە ڕادەستکراوە خۆی ئامادە بێت یاخود بریکارنامەی بۆ کەسێکی تر کردبێت و تازە کرابێتەوە بۆ ساڵی 2021.

دوای چەند ساڵ ڕاگرتنی خەرجكردنی پارەی گەنمی ساڵانی 2014، 2015 و 2016ی جووتیارانی هەرێمی كوردستان له‌لایه‌ن حكوومه‌تی عێراقه‌وه‌، دواجار بڕیاردرانیوەی پارەكە، كه‌ 268 ملیار دیناره‌، خەرج بكرێت.

بابەتی پەیوەندیدار

Back to top button