بە وێنە.. لە ڕووداوێکی هاتووچۆدا دوو ژن گیانیان لەدەستدا
لڤین:
لە ڕووداوێکی هاتووچۆدا لە سنوری قەزای کەلار دوو ژن گیانیان لەدەستدا و چوار کەسی دیکەش بە سەختی برینداربوون.
بەیانی ئەمڕۆ لەسەر ڕێگای توران سەر بەناحییەی ڕزگاری ڕووداوێکی هاتووچۆ لەنێوان دوو ئۆتۆمبێل لەجۆرەکانی توێتا و نیسان ڕوویدا لەئەنجامدا دوو ژن کەهەریەکەیان سەرنشینی ئۆتۆمبێلێک بوون بەناوەکانی (نعیمە احمد ڕەزا) لە دایکبووی 1955 دانیشتووی گوندی بنە بەراز و (گەمرە حسین جراد) کە لەنەتەوەی عەرەبە و دانیشتووی مەندەلیە گیانیان لەدەستدا و شۆفێری هەردوو ئۆتۆمبێلەکە و دوو سەرنشینی دیکەش برینداربوون.
پۆلیسی گەرمیان، ڕایگەیاند لەئێستادا بەمەبەستی توێکاری تەرمەکان ڕەوانەی پزیشکی دادوەری قەزای کەلار کراون.
دوای چارەسەری پێویست بەهۆی سەختی برینەکانیانەوە سەرجەم بریندارەکانیش ڕەوانەی نەخۆشخانەی سلێمانی کراون.
