راپرسیەک: هەڵبژاردن لە ئێستادا بکرێت هاوپەیمانێتیەکەی ئەردۆغان حکومەتی بۆ دروست نابێت

لڤین:

کۆمپانیایەک لە تورکیا راپرسیەکی ئەنجامداوە و تیایدا ئاشکرا بووە ئەگەر لە ئیستادا هەڵژاردن ئەنجام بدرێت ئەردۆغان و هاقوپەیمانەکانی ناتوانن حکومەت پێک بهێنن.

کۆمپانیای ئارێیا Area بۆ لێکۆڵینەوە و توێژینەوەی ستراتیژی، راپرسییەکی لە بارەی ئەگەری هەڵبژاردنی پێشوەختە ئەنجامداوە و تیایدا دەرکەوتووە هاوپەیمانێتینکەی ئەردۆغان و دەوڵەت باخچەلی ناتوانێت حکومەت پێکبهێنێت.

راپرسیەکە ئەنجامی دەنگەکانی بەمشێوەیە بۆ گەڕاوەتەوە:

ئاکپارتی 29.2٪

جەهەپە 20.2٪

ئیی پارتی 11.7٪

هەدەپە 10.0٪

مەهەپە 7.9٪

پارتی سەعادەت 1.6٪

پارتی دێڤا 1.3٪

پارتی ئایندە 1.0٪

لایەنە سیاسییەکانی دیکە 0.6٪

دەنگی خۆڵەمێشی 16.7٪

راپرسیەکە دەنگەخۆڵەمێشیەکانی دابەشکردووەتەوە بەسەر پارتەکاندا و بەوشێوەیەش ئاکەپە و مەهەپە پێکەوە ژمارەی دەنگەکانیان دەبێتە 44.5٪ بەوەش توانای پێکهێنانی حکومەتی نابێت.

لەبەرامبەردا دەنگەکانی هاوپەیمانێتی جەهەپە و ئیی پارتی دەبێتە 38.1٪ی دەنگەکان و هەدەپە 12.0٪، بەو شێوەیەش دەنگی هەدەپە یەکلاکەرەوە دەبێت بۆ هەردوو هاوپەیمانێتیەکە ئەگەر بیانەوێت حکومەت پێکبهێنن هەدەپە پشتیوانی هەریەک لەو هاوپەیمانێتیانە بکات هاوکێشەکە یەکلایی دەکاتەوە.

بابەتی پەیوەندیدار

Back to top button