بە فەرمی نرخی پشکنینی کۆرۆنا کەمکرایەوە
لڤین:
بە فەرمی نرخی پشکنینی کۆرۆنا لە تاقیگەکان و نەخۆشخانەکانی کەرتی تایبەت (ئەهلی)، کەمکرایەوە و بۆ نەخۆشان و بەرکەوتووانیش بەخۆڕایی دەبێت.
لە نوسراوێکدا د. سامان بەرزنجی، وەزیری تەندروستیی هەرێمی کوردستان، رایگەیاند، لەمەودوا بۆ نەخۆشان و بەرکەوتووان پشکنینی کۆرۆنا بەخۆڕایی دەبێت، لە نۆرینگەکانی کەرتی حكومی، لە دوای دەوامیش پشکنین لە 60 هەزارەوە دەبێتە 40 هەزار دینار.
هەر لە نوسراوەکەدا هاتووە کە لە تاقیگەکان و نەخۆشخانەکانی کەرتی تایبەت (ئەهلی)، نرخی پشکنینی کۆرۆنا لە 90 هەزارەوە دادەبەزێنڕیت بۆ 50 هەزار دینار.
