نێچیرڤان بارزانی پەیامێکی بڵاو کردەوە
لڤین:
بەبۆنەی پەسەندكردنی بودجه‌ی گشتی عێراقه‌وه، سەرۆکی هەرێمی کوردستان، پەیامێکی بڵاو کردەوە و ئەو هەنگاوە بە سەرەتایەكی باش و هاندەری چارەسەركردنی كێشەكانی دیكەی هەرێم و ناوەند ناودەبات، هاوکات دەستخۆشیی “تایبەت” لە قوباد تاڵەبانی و شاندەکەی و فراكسیۆنە كوردستانییەكان دەکات.
دوای پەسەندکردنی بودجە نێچیرڤان بارزانی، سەرۆکی هەرێمی کوردستان لەپەیامێکدا، پیرۆزبایی له گه‌لی عێراق و دەستخۆشی لە سەرۆكایەتی و هەموو فراكسیۆنەكانی ئەنجومەنی نوێنەرانی عێراق دەکات.
لە پەیامەکەیدا هاتووە: هەوڵەكانی مستەفا كازمی، سەرۆك وەزیرانی عێراق بۆ كەمكردنەوەی ناكۆكییەكان و رێككه‌وتن، بە مایه‌ی رێز و سوپاس ناودەبات و رایدەگەیه‌نێت: “بۆ چارسه‌ركردنی كێشه‌كان و سه‌قامگیری و ئاوه‌دانی و ئاینده‌یه‌كی باشتر، عێراقپێویستی به هاریكاریی هاوبه‌ش و كاری پێكه‌وه‌یی هه‌یه و ده‌بێ هه‌موومان پشتیوانی له‌و ئاراسته‌یه بكه‌ین”.
نێچیرڤان بارزانی، ده‌ستخۆشییه‌كی تایبەت لە قوباد تاڵەبانی، سەرۆكی شاندی دانوستاندنكاری حكومەت دەكات كە “له‌گه‌ڵ ئەندامانی شاندی هەرێمی كوردستان به پشوودرێژی و سه‌ركه‌وتووانه دانوستاندنێكی سەختیان تێپەڕاند”.
هەروەها دەستخۆشی لە فراكسیۆنە كوردستانییەكان ده‌کات كە “هاوكار و پشتیوانی یەكتر و شاندی حكومەت بوون بۆ جێگیركردنی بەشی هەرێمی كوردستان لە بودجەی عیراقدا”.
نێچیرڤان بارزانی هیوادارە هه‌موو لایه‌ك پابه‌ندی یاساكە بن و دەڵێت: “په‌سه‌ندكردنی بودجە دەتوانێت سەرەتایەكی باش و هاندەری چارەسەركردنی كێشەكانی دیكەی هەرێمی كوردستان و حكومه‌تی فیدراڵ بێت”.
ده‌شڵێت: “جێبه‌جێكردنی یاساكه دەبێته هۆی بەهێزكردنەوەی پرۆسەی سیاسی و پێكه‌وه‌ژیان و چەسپاندنی مافی هاووڵاتیبوون بۆ هەمووان، دەرگای گفتوگۆیەكی بەرهەمدار بۆ هەموو لایەنەكان ده‌كاته‌وه تا پێكه‌وه له‌پێناو سەقامگیری و ئاوەدانی و پێشكه‌وتنی وڵاتدا كار بكه‌ن”.
درەنگانێکی شەوی رابردوو، ئەنجومەنی نوێنەرانی عێراق پرۆژە یاسای بودجەی گشتی بۆساڵی 2021ی پەسەندکرد.
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
