وەزارەتی کشتوکاڵ دوو بڕیاری دەرکرد
لڤین:
ئەمڕۆ بەئامادەبوونی ژمارەیەک لە بەرپرسانی وەزارەتی کشتوکاڵ کۆبونەوەیەکی تایبەت دەربارەی چۆنیەتی خەرجکردنی پارەی %2 بنەتۆی جوتیاران ئەنجامدرا.
کۆبونەوەکە بە سەرپەرشتی بێگەرد تاڵەبانی ئەنجامدرا و بڕیاردرا، بۆ لەمەودوا بڕی پارەی 2% ی بنەتۆی جوتیاران تەنها بۆ چەند مەبەستێک ئەنجام بدرێت و لە زووترین کاتدا دەرمانی قڕکەر بێ بەرامبەر بۆ جوتیاران دابین بکرێت.
مەرجەکان بۆ پێدانی 2% بنەتۆ:
1/پەرەپێدانی توێژنەوەی زانستی لە بواری بنەتۆی گەنم.
2/بەرهەمهێنان و زیادکردنی بنەتۆی گەنم بەهەر سێ پلەکەیەوە.
3/گرنگیدان بە رێنمایی کشتوکاڵی هەر لە قۆناغەکانی چاندن تاوەکو بەبازاڕ کردن.
4/دابین کردنی دەرمانی قڕکەر و پەین بۆ جوتیارانی هەرێمی کوردستان.
5/گرنگیدان بە تاقیگە بۆ بواری توێژینەوەی گەنم.
