حه‌شدی شه‌عبی لەبارەی هێرشە موشەکیەکەی سەر پێشمەرگە لێدوانیدا

لڤین:

لە بارەی ئەو هێرشە موشەکیەی شەوی ڕابردوو لە سنووری پردێ کرایە سەر هێزەکانی پێشمەرگە، وته‌بێژی میحوه‌ری باكوری حه‌شدی شه‌عبی ڕاگەیەندراوێکی بڵاو کردەوە.

دوای ئەوەی شەوی ڕابردوو چەند موشەکێک ئاراستەی هێزەکانی پێشمەرگە کران لەسنوری چالاکیەکانی لیوای 10 پیادەی وەزارەتی پێشمەرگە لەمیحوەری پردێ – دبز لەنزیک گوندی نەبی ئاوا، بەشێک لە لایەنەکان پەنجەی تۆمەتیان بۆ حەشدی شەعبی ڕاکێشا.

لەو بارەیەوە عه‌لی حسێنی، وته‌بێژی میحوه‌ری باكوری حه‌شدی شه‌عبی لەراگەیەنراوێکدا دەنگۆی تۆمەتبارکردنیان رەتدەکاتەوە و رایگەیاند، “نازانین بۆردومانه‌كه‌ لەلایەن چ لایه‌نێك یان لە کام شوێنەوە‌ ئه‌نجامدراوه‌”.

ڕوونیشیکردوەتەوە کە هێزەکانیان په‌یوه‌ندییان به‌و موشه‌كانه‌وه‌ نیه‌، بەڵام پێدەچێت موشەکەکان لەو ناوچانەوە ئاڕاستەکرابن كه‌ بۆشایی ئه‌منی لەنێوان هێزەکانی پێشمەرگەکانی و هێزەکانی عێراقدا هەیە.

هەر لە ڕاگەیەندراوەکەدا وته‌بێژی میحوه‌ری باكوری حه‌شدی شه‌عبی ئەوەشی وتووە هێزەکانیان لێکۆڵینەوە دەکەن لەشوێن و ئەو لایەنانەی موشەکەکانیان ئاڕاستەی سه‌نگه‌ره‌كانی هێزی پێشمه‌رگه‌ کردووە.

بابەتی پەیوەندیدار

زیاتر بخوێنەوە
Close
Back to top button