وەزارەتی تەندروستی ٧٢٥ تووشبووی نویی کۆرۆنا تۆمارکرا
لڤین:
وەزارەتی تەندروستی بەرزترین رێژەی کۆرۆنای لە ماوەی زیاتر لە شەش مانگی رابردوو بڵاوکردەوە و پێنج تووشبووی ڤایرۆسەکەس گیانیان لەدەستدا.
وەزارەتی تەندروستی هەرێم لە ڕاگەیاندراوی (٢٤) کاتژمێری تایبەت بە ڤایرۆسی کۆڕۆنا رایگەیاند ٧٠٠٩ پشکنینی نوێ ئەنجامدراوە و تیایدا ٧٢٥ تووشبوو تۆمارکراوە.
وەزارەتەکە روونیکردووەتەوە لەو ماوەیەدا ٢٣٨ تووشبووی نەخۆشیەکە چاکبوونەتەوە و پێنج توسبووی ڤایرۆسەکەش گیانیان لەدەستداوە.
وەزارەتەکە کۆی ئامارەکانی کۆرۆنای لە هەرێمدا بڵاوکردووەتەوە و تیادا ئاشکرای کردووە تا ئێستا ١١٨ هەزار و ١٣٧ تووشبووی ڤایرۆسەکە تۆمارکراوە و کە لە نێویاندا ١٠٧ هەزار و ٨٧٨ کەسیان چاکبوونەتەوە.
ئەوەشی راگەیاندووە لە ئێستادا ٦٦٣٢ کەس لە ژێرچارەسەردا ماونەتەوە و ٣٦٢٧ کەسیش گیانیان لەدەستداوە.
