قائیمقامیەتی سلێمانی:

دوو ئارایشتگا دادەخرێن

لڤین:
بەهۆی پانەدنەبون بە مەرج و رێنماییەکانی كاركردن و هه‌بونی پێداویستی جوانكاری ماوه‌به‌سه‌رچو، قائیمقامیەتی سلێمانی ئارایشگاكانی به‌غداد و ویلی كه‌یت دادەخات.
ئه‌مڕۆ سێشه‌ممه‌ (2021.3.23) له‌لایه‌ن لیژنه‌ی ئارایشتگای سه‌ر به‌ لیژنە هاوبەشەکانی قائیمقامیەتی سلێمانی بەهۆی پابەند نەبونیان بە مەرج و رێنماییەکانی كاركردن، هه‌بونی پێداویستییه‌كانی جوانكاری ماوه‌به‌سه‌رچو و به‌كارهێنانی بۆ كڕیاره‌كان، ده‌ست به‌سه‌ردا گرتنی ئامێری تاتۆ له‌ شوێنه‌كانیاندا هه‌روه‌ها نه‌بونی مۆڵه‌تی كاركردن، لیژنەکە ئارایشگاكانی به‌غداد و ویلی كه‌یت لەشاری سلێمانی دادەخات.
مۆڵەت، بنەمای کارکردنە بۆ ھەر پیشەیەک لەشوێنێکدا ئەنجام دەدرێت، پێویستە ئەو شوێنەی پیشەیەکی دیاریکراوی تێدا ئەنجام دەدرێت مۆڵەتی لەلایەنە پەیوەندیدارەکان وەرگرتبێت، پاشان دەتوانێت کاری تێدا بکات، ئه‌و كه‌سانه‌شی تاتۆ بۆ هاوڵاتیان دروست ده‌كه‌ن، پێویسته‌ له‌لایه‌ن وه‌زاره‌تی ته‌ندروستییه‌وه‌ مۆڵه‌تی كاركردنی پێدرابێت، به‌پێچه‌وانه‌وه‌ روبه‌ڕوی رێكاره‌ یاسایی ده‌كرێنه‌وه‌.
بەفەرمانی قائیمقامی سلێمانی ئارایشگاكانی به‌غداد و ویلی كه‌یت داده‌خرێن و خاوەنەکانیشیان روبەروی رێکاری یاسایی دەکرێنەوە.

بابەتی پەیوەندیدار

Back to top button