پەرلەمانتارێکی عێراق

لیژنه‌ی دارایی ده‌نگی داوه‌ به‌وه‌ی هه‌رێم ڕۆژانە 460 هەزار بەرمیل نەوت رادەست بكات

لڤین:

بڕیاردەری لیژنەی دارایی ڕایگەیاند، لیژنەکەیان دەنگیانداوە بەوەی هەرێمی کوردستان ڕۆژانە 460 هەزار بەرمیل نەوت رادەستی حکومەتی ناوەند بکات.

ئەحمەد سەفار، بڕیاردەری لیژنەی دارایی لەپەرلەمانی عێراق لەلێدوانێکی ڕۆژنامەوانیدا ڕایگەیاند، لیژنەکەیان لەسەر ڕادەستکردنی 460 هەزار بەرمیل نەوتی ڕۆژانەی هەرێم دەنگیداوە.

ئاماژەی بۆ ئەوەش کرد، هەندێ لایەنی سیاسیش داوای زیادکردنی دەقێکی تریان لەبودجەکە کردووە لەکاتی ئامادەنەبوونی هەرێم بەپابەندبوون بەئەرکەکانی ئەوا شایستە داراییەکان ببڕدرێن.

سەفار دەشڵێت، بودجە بۆ هەموو وڵاتە نەک بۆ چینێکی دیاریکراو و پشکی پارێزگاکان و نرخی دراو هۆکاربوو بۆ ئەوەی هەندێ لایەنی سیاسی هۆڵی پەرلەمان بایکۆت بکەن.

لەبارەی پرسی دراویشەوە لەبودجەدا، سەفار باسی لەوەش کردووە، ئەگەر پەرلەمان نرخی دراو دەستکاری بکات لەبودجەدا ئەوا بانکی ناوەندی تانە لەبڕیارەکەی دەدات.

بابەتی پەیوەندیدار

Back to top button