سەرۆک وەزیرانی کەنەدا پیرۆزبایی نەورۆز لە کورد دەکات
لڤین:
سەرۆک وەزیرانی کەنەدا پیرۆزبایی نەورۆز دەکات و دەڵێت: “هەموو ڕۆژێکتان نەورۆز و نەورۆزتان پیرۆز”.
لە پەیامێکی ڤیدیۆییدا جەستن ترودۆ، سەرۆک وەزیرانی کەنەدا پیرۆزبایی جەژنی نەورۆز لە گەلی کورد و بەشێک لە گەلانی جیهان دەکات ئاماژە بۆ ئەوەدەکات کە نەورۆزی ئەمساڵ جیاواز دەبێت، چونکە لەکاتێکدایە کە شەڕی دژی کۆرۆنا بەردەوامە و داوادەکات خەڵک پابەندبێت بە رێکارە تەندروستییەکانەوە.
سەرۆک وەزیرانی کەنەدا پیرۆزبایی نەورۆز لە گەلی کورد دەکات و دەڵێت: “هەموو ڕۆژێکتان نەورۆز و نەورۆزتان پیرۆز” هەروەها دەڵێت: “کۆمەڵگەکانی فارس، ئەفغان، کورد، زەردەشتییەکان، بەهایی و ناوەڕاستی ئاسیا و ئیسماعیلییەکان لە کەنەدا و جیهان ئاهەنگی نەورۆز و دەستپێکی ساڵی نوێی فارسی دەگێڕن، ئەمە ئەو کاتەیە کە هاوڕێ و خێزانەکانە پێکەوە کۆدەبنەوە”.
