سامانەکەی ترامپ لە ماوەی دەسەڵاتیدا 700 ملیۆن دۆلار دابەزی
لڤین:
دۆناڵد ترامپ، سەرۆکی پێشووی ئەمریکا لە ماوەی سەرۆکایەتیدا بە 700 ملیۆن دۆلارلە سامانەکەی کەمبووەتەوە کۆرۆنا و هێرشەکەی سەر کۆنگرێس زۆرترین زیانی هەبووە.
بە گوێرەی زانیاریەکانی بلومبێرگ، سەرمایەی دۆناڵد ترامپی سەرۆکی پێشووی ئەمریکا لە 3 ملیار دۆلارەوە بۆ 2,3 ملیار دۆلار دابەزیووە، لەگەڵ بڵاوبوونەوەی ڤایرۆسی کۆرۆنا زیانێکی زۆری کردووە.
ئەوەشی ئاشکرا کردووە هێرشەکەی 6ی کانوونی دووەم بۆ سەر کۆنگرێسی وڵاتەکە بەشێوەیەکی گەورە کاریگەری لەسەر ئیمپراتۆریەتی بازرگانی ئەو داناوە.
ئاژانسەکە باسی لەوە کردووە، پەتای کۆرۆنا چەندین کۆمپانیای ترامپی وێران کردووە، کە هۆتێل و گازینۆ و ئۆفیسەکانی تێدا بووە، بەهۆی سنووردارکردنی گەشتی جیهانییەوە گەشتیاری ڕاگیراوە و شوێنەکانیش بۆ خۆپارێزی داخران.
ئەوشی روونکردووەتەوە بەهای خانووبەرەی بازرگانی ترامپ لە نێوان ساڵی 2016 بۆ 2021 دا بە ڕێژەی 26٪ دابەزیوە، لە ئێستادا بە 1,7 ملیار دۆلار مەزەندە دەکرێت.
بەهای هۆتێل و هاوینەهەوارەکانی ترامپ زیاتر لێدرا، کە لە نێوان ساڵی 2015 بۆ 2021 دا 42٪ دابەزیوە و 330 ملیۆن دۆلاریش قەرزاری کردووە.