پارێزگای سلێمانی رێکارەکانی بۆ ڕۆژانی نەورۆز ئاشکراکرد

لڤین:

پارێزگای سلێمانی رێکارەکانی بۆ ڕۆژانی نەورۆز ئاشکراکرد و بەپێی ڕێکارەکانیش هەموو جۆرە کۆبوونەوە و ئاهەنگێک لە شوێنە داخراوەکاندا لە رۆژانی نەورۆزدا قەدەغەیە و شەقامی سالمیش بۆ ماوەی دووڕۆژ دادەخرێت.

ئەمڕۆ لیژنەی باڵای ئۆپەراسیۆنەکانی پارێزگای سلێمانی بۆ بەرەنگاربوونەوەی کۆرۆنا و لیژنەی باڵای ئارامیی سلێمانی کۆبونەوەوە و چەند بڕیارێکیان دەکرد.

دوای کۆبونەوەکە لیژنەی باڵای ئۆپەراسیۆنەکانی پارێزگای سلێمانی بۆ بەرەنگاربوونەوەی کۆرۆنا ڕاگەیەندراوێکی بڵاو کردەوە، کە تێیدا جەخترکراوەتەوە کە دەبێت هاوڵاتیان پابەند بن بە بەیانی ژمارە 10ـی وەزارەتی ناوخۆ و هەموو جۆرە کۆبوونەوە و ئاهەنگێک لە شوێنی داخراودا لە رۆژانی نەورۆزدا قەدەغەیە.

هەروەها شاڕێی سالم، لە 19 تاوەکو 21 ئازار، لە یانەی ئەندازیارانەوە تاوەکو بەردەم باخی گشتی، هاتووچۆی ئۆتۆمبێلی تێدا قەدەغە دەکرێت.

بابەتی پەیوەندیدار

Back to top button