روسیا ئامادەیە هاوکاری چاکبوونەوەی ئەسەد و هاوسەرەکەی بکات

لڤین:

رووسیا ئامادەیی دەربڕی بۆ ئەوەی لە رووی پزیشکیەوە هاوکاری سەرۆکی سوریا و هاوسەرەکەی بکات تا لە کۆرۆنا چاکببنەوە.

دوای ئەوەی دوینێ سەرۆکایەتی سوریا رایگەیاند بەشار ئەسەد و هاوسەرەکەی تووشی ڤایرۆسی کۆرۆنا بوون، دیمیتری پێسکۆڤ وتەبێژی سەرۆکایەتی ڕوسیا رایگەیاند “بەڕاشکاوی هیچ زانیارییەکم نییە لەسەر چۆنیەتی مامەڵەکردن لەگەڵ سەرۆکی ( سوری ) و هاوسەرەکەی، نازانم داوای هاوکاری کردووە”.

وتەبێژی سەرۆکایەتی رووسیا وتیشی: هیچ گومانم لەوە نییە ئەگەر هەر داواکارییەک هەبێت لەوبارەیەوە، بێگومان سەرۆک پۆتین دەستبەجێ ڕەچاوی دەکات.

ئەو هیوای ئەوەی خواست سەرۆکی سوریا و ئەسما ئەسەدی هاوسەری بە زووی ڤایرۆسەکە تێپەڕ بکەن و دژەتەنیش وەربگرن.

 

بابەتی پەیوەندیدار

Back to top button