بنەماڵەی شێروان شێروانی روونكردنەوەیەك بڵاودەكەنەوە
لڤین: بنەماڵەی شێروان شێروان روونكردنەوەیەك بڵاودەكەنەوە و داوا دەكەن بە ئامادەبوونی پارێزەرەكانیان لە دادگا لێكۆڵینەوەیان لەگەڵ بكرێت بۆ ئەوەی بتوانن بێتاوانی خۆیان بسەلمێنن.
بنەماڵەی شێروان شێروانی روونكردنەوەیەك بڵاودەكەنەوە و تیایدا رایدەگەیەنن، بنەماڵەكەیان خاوەنی قوربانیەكی زۆربوون لە مێژووی خۆیاندا و شێروان شێروانی یەكێك لە خزمەتكارانی ئەو میللەتەیە بەڵام بەهۆی بیروبۆچوون و رەخنەكانیەوە بەشێوەیەكی خراپ مامەڵەی لەەڵ كراو لە كاری مامۆستایەتی دوورخراوەتەوە.
ئەو روونكردنەوەیە كە كاروان ئەمین نعۆ بە ناوی بنەماڵەكەوە بڵاویكردووەتەوە دەشڵێت: هەر بەوەشەوە نەوەستاون و تۆمەتەكانیان گەورەكردووە لەسەری و بە سیخوڕ و تێكدەر تۆمەتبار كراوە، بەڵام دەخوازین دانپێدانیان لەدادگابێت و بە ئامادەبوونی پارێزەرەكانیان بێت بۆ ئەوەی بێتاوانی خۆیان بسەلمێنن.
وەڵامی ئەو دەنگۆیەش دەدەنەوە كە لە ناوچەكەیاندا بڵاوبووەتەوە و گوایە كە بنەماڵەكەیان ماڵیان گواستبێتەوە بۆ سلێمانی یان بەغداد دەڵێن ئەو قسانە هیچ راستیەكی نیە.
دەقی روونكردنەوەكە:
بابەت: ڕۆنكرن ژ مالباتا شێروان شێروانی؟
بەرێزان خزم و دوست و برادەر و خەلكێ كوردستانێ ، مه ب فەرزانی ڕۆنكرنەكێ لسەر بابەتێ گرتن و دادگەهكرنا شێروان ئەمین شێروانی بۆ ڕایا گشتی بدەینە خویاكرن.
شێروان ژ مالباتەكا كوردپەروەر ژ دایكدبویە بۆ خاك و نەتەوە و وەڵات و مللەتێ خو، هەردەم دگەل ئازار و دەربەدەریا ژیایە و خێر ژ خوە نەدیتی یێ ژیایی و لێ چ جارا حاشاتی ژ كوردپەروەریا خو نەكریه.
چەندین جارا یێ توشی دەربەدەریا بویی گەلەك نەخوشی و زەحمەت یێن دیتین، بەرێزان، مە ژی هیڤی هەبوون كو ڕۆژەك بهێت ئەڤ مللەتە ب ئازادی ل سەرخاكا خو بژیت. هیڤیا مە جێبەجێبوو و كوردستان ڕزگاربوو. بابێ شێروانی (ئەمین نەعو سلێمان شێروانی) ئێك ژ وان كەسانە یێ هەمی تەمەنێ خو بۆ كوردینیێ تەرخان كری.
پشتی ڕاپەرینێ “ئەمین نەعوی چ خێر ژ خەباتا خو نەدیت و خزمەتا وی هاته بن پێكرن، كار و چالاكیێن وی بۆ پارتی ئەنجامداین هەمی هاتنه ژبیركردن و گەلەك پێكۆلكرن دا مفایەكی ژ وێ خزمەتێ ب بینیت، مخابن چ مفا ژێ نەدیت ، ب چاڤێن خو دیت كەسێن نەمستەحەق دانانه پێش، گەلەك گازنده هەبون بەس لسەر ڤێ نەحەقیێ ڕا هەر یێ بەردەوام بۆ لسەر كوردپەروەریا خوو. حەتا ئەڤرۆكە ئەم لدویف رێبازا بابێ خو دبەردەوامین، وەكی كور و مام و برا، هەر ئێك ل دیڤ شیانێت خو بتایبەت برایێن وی خزمەتا كوردینیێ دا بوون و نوكە ژی خزمەتكار و وەلات پارێزن.
بۆ نموونه
“یاسین نەعو پێشمەرگەهـ بوو و ڕۆلەكێ مەزن دڕاپەرینا باژێرێ ئاكرێ دا كربوو، سەلیم نەعو: ڕاپەڕینێ و پشتی ڕاپەرینێ پێشمەرگەهـ بوو دگەل ئەمین نەعویی، محەمەد سالح نەعو پێشمەرگەهـ و كادرێ لجنا ناوچا ئاكرێ بوو، نوكه یێ خانەنشینكریە “تەقاعده”. عەرەب نەعو حەتا نوكه پێشمەگەهه، ئیبراهیم نەعو پێشمەرگەهـ بوو ل سالێت نوتا بتایبەت شەرێ دژی “پەكەكێ”. كورێ وی فەیسەل ئەمین نەعو، نوكه ژی پێشەرگەهە شەرێ داعش ڕۆلەكێ بەرچاڤ دگێرا تایبەت دڕزگاركرنا (رەبیعه)دا دگەل هێزا لەشكرێ تایبەتێ بارزان. ئەمین نەعو، پێشمەرگەهـ بوو حەتا ڕحا وی بویە ئەمانەتێ خودێ خەبات و چالاكیێن وی دبەردەوامبوون و ڕۆلەكی بەرچاڤ دڕزگاركرنا باژێرێ ئاكرێ دا هەبوو.
شەرێ براكوژیێ شەرەكێ نەچاریی بوو بەشداری كر و ڕۆلەكێ بەرچاڤ هەبوو. شەرێ براكوژیێ دژی “پەكەكێ” بەشداری كر دخزمەتا پارتی دا، دوو جارا بەشداری دچالاكیا دا كر لسەر داخازا نێچیرڤا بارزانی ل كوردستانا توركیا باژێرێ سلوپی شوفێرێ بارهەلگرا چەكی بوو چەك بۆ پارتی دئینا مەسیفی، سالێت هەشتێ یا چالاكی ل باژێرێ موسل هەبوون وەكی (تەنزیم داخلی) كاردكر، دگەل چەند كەسایەتیێن ئاكرێ، وەكێ كەریم خێلافی خودێ ژێ ڕازی بیت، ئیسماعیل جمعە ئاكرەیی خودێ ژێ رازی بیت، صوفی شنی، سعدو شوشی و ئەگەر هندەك كەسێن دی مه ژبیر نەكربن، سالێن نوتا دووباره دگەل مەفرەزێن نێچیرڤان بارزانی ل چیایێن دەڤەرا بارزان مە بەرگری كریە شەرێ دگەل پەكەكێ و گەلەك كەسا ژ خزم و كەس و كارێن مە دگه ل مە بەشداری كربوو. پشتی راپەرینێ بۆ ماوەكی ئەركێ پاراستنا ئاڤا سەرەكی یا مەسیف وەرگرتبوو. شەرێ داعش گەلەك نەخوشیێن درێژخایەن هەبوون خو گەهانده گووێر پشتی هێرشا داعشێن درنده لسەر ئاسایشا هەرێمێ لێ مخابن ژبەر ئێشا دلی نەدشیا خۆ لسەر پێت خو بگریت ب نەچاری ڤەگەریا مال.
بەرێزان شێروان شێروانی ئێك ژ خزمەتكارێن كوردپەروەر یێن ئەڤی وەلاتی یە، بەلێ مخابن ژبەر بیر و بۆچوون و ڕەخنێن وی یێن جودا لسەر هندەك تشتا هەر زوی ب چاڤەكێ خراب سەرەدەریی دگەل كر و ژ كارێ مامۆستایێ هاتە لادان، مخابن ئەڤ شوله هنده مەزنكر و توهمەتێن زۆر بۆ هاتنه دروستكرن سیخور و تێكدەر و زۆر توهمەتێن دی، بلا دانپێدانێن وان ل دادگەهێ بن و ب ئامادەبونا پارێزەرێن وان، دا كو بێگونەهیا خو دیاركەن و بلا دادوەر دبێلایەن بن.
بەرێزان بتنێ داخازامه ژ حكومدارێن مه ئەوە دادگەهەكا یاسایی و دویر ژحزبایەتیێ پێداچوونێ دڤی بابەتی بكەت، بلا نەحەقیێ ل پاشەڕۆژا مه و مللەتێ مه نەهێتەكرن.
مە ب فەرزانی بۆ خزم و كەس و كارێن خو دیاركەین كو هندەك ئاخافتن ل ناڤ خەلكی یێن بەلاڤبوین دبێژن مالباتا شێروان شێروانی دێ مالێن خو ڤەگوهێزنە سلێمانیێ یان بەغدا. ئەم هنگوو پشتڕاست دكەین كو چ ڕاستی ژ بۆ ڤێ گوتنێ نینە ئەڤ خەبەرە دویرە ژ ڕاستیێ.
برایێ هنگوو
كاروان ئەمین نەعو
